Монгол улсын ерөнхийлөгч "Морин хуураа дээдлэн дэлгэрүүлэх" тухай зарлиг гаргасан. Үүнтэй холбогдуулан Ерөнхийлөгчийн ивээл дор, төрийн их хуурч Г.Жамъянгийн нэрэмжит мэргэжлийн морин хуурчдын олон улсын гуравдугаар наадмыг зохион байгуулахаар болжээ.

Тус наадам маргаашнаас ирэх сарын таван хүртэл үргэлжлэх аж.

Наадамд морин хуур хөгжмөөр сонгодог бүтээлүүдийг тоглохоос гадна Монголын болон дэлхийн хөгжмийн зохиолчдын бүтээлүүдийг тоглох, урын санг дэлхийн олон үндэстэн ястны зохиол бүтээлээр баяжуулах, хөгжимчдийн ур чадварыг дээшлүүлэх олон улсын хэмжээнд сурталчлах зорилготой хэмээн зохион байгуулагчид онцоллоо.

Уг наадам гурван үе шаттайгаар зохион байгуулагдах бөгөөд найман улсын уран бүтээлчид оролцохоор болжээ.

Б.Рэнцэнханд