АНУ-ын ерөнхийлөгч Дональд Трамп аравдугаар сарын 30-нд Өмнөд Солонгост болох Азийн дээд хэмжээний уулзалтын үеэр БНХАУ-ын дарга Ши Жиньпинтэй хоёр талын уулзалт хийхээр төлөвлөж буйг Цагаан ордон баталжээ.

Энэ нь Трамп ерөнхийлөгчийн албан тушаалд эргэн очсоноос хойш талуудын анхны нүүр тулсан уулзалт болох юм.

Цагаан ордны хэвлэлийн төлөөлөгч "Орон нутгийн цагаар пүрэв гаргийн өглөө БНХАУ-ын дарга Ши Жиньпинтэй уулзалт хийнэ. Дараа нь нутаг буцна" гэсэн байна. 

БНХАУ ховор элементүүдийнхээ экспортыг хязгаарласан бодлогоо сулруулахгүй бол нэмэлт 100 хувийн татвар ногдуулахаа Трамп сүүлийн үед анхааруулж буй.

Трамп ням гарагт Малайзад айлчилж, ерөнхий сайд Анвар Ибрахимтай уулзана.

Даваа гарагт Японы Токио хотноо очиж, мягмар гарагт Японы шинэ ерөнхий сайд Санаэ Такаичитэй уулзах хуваарьтай байгаа юм.

Үүний дараа буюу лхагва гарагт Өмнөд Солонгосын зорьж, тус улсын ерөнхийлөгч И Жэ Мюнтэй уулзах юм.

Эх сурвалж: ВВС