2018 онд "Монголын хөрөнгийн бирж" ТӨХК түүхэндээ анх удаа хамгийн олон буюу 6 шинэ үнэт цаасыг бүртгэж арилжжээ. Эдгээр ХК зах зээлээс нийт 30 орчим тэрбум төгрөгийн санхүүжилт татсан юм.

Мөн анхны давхар бүртгэлийг (Эрдэнэ ресурс девелөүпмэнт корпорэйшн ХК) зах зээлд нэвтрүүлсэн, даатгалын салбарын компаниудын үнэт цаасыг бүртгэсэн байна. 

Өнгөрсөн онд нийт 210 тэрбум төгрөгийн хувьцааны анхдагч болон хоёрдогч зах зээлийн арилжаа хийсэн нь өмнөх түүхэн дээд үзүүлэлт болох 2012 оны үзүүлэлтээс даруй 45 хувиар өссөн дүн гэж Монголын хөрөнгийн биржээс мэдээлэв.