Ойрын өдрүүдэд хүйтний эрч нэмэгдэн хур тунадас бууж өдөртөө хасах градусын хүйтэн болж байгаа тул даарч жиндэхээс сэргийлэн, дулаан хувцасаа өмсөж, өвлийн бэлтгэлээ базаах цаг хэдийн ирснийг хяруу буусан жихүүн агаар бидэнд сануулж байна.

Өдрөөс өдөрт хүйтний эрч чангарч хацар хайрсан өвлийн хүйтэнд дулаан хөнгөн ноолууран хувцсаар гоёх нь  даарахгүй, өвдөхгүй сэтгэл дүүрэн өвлийг давах үндэс болдог. 

Говь брэнд нь 2012/2013 намар өвлийн шинэ загваруудаа танилцуулаад удаагүй байгаа бөгөөд цаг үеэ мэдэрсэн хямдрал урамшуулал зарлан хэрэглэгчиддээ байнга бэлэг барьдаг билээ.



10-р сарын 22-ноос эхлэн Малгай ороолтны баяраа салбар дэлгүүрүүд дээрээ зарлаад байгаа бөгөөд 10% - 30% хүртэл хямдрал зарлаж, шинэ загваруудын малгай ороолт авсан тохиолдолд мөн бээлий хямдруулан авах боломж олгоно. Энэхүү хямдралт баяр нь 10 сарын 31-ны өдрийг дуустал 10 хоногийн турш үргэлжилнэ.



Говь ХК үйлчлүүлэгчиддээ зориулан хүйтний улиралд эрүүл бас сайхан харагдах нууцаас задалж байна.

Өвөл эрүүл бас дулаан хувцас өмсөх хэрэгтэй үүний тулд хэрхэн зөв сонголт хийх хэрэг танд лав гардаг байх. Дулаахан хэрнээ дэгжин хувцаслахыг хүн бүр л хүсдэг шүү дээ. Ингээд өвлийн хувцасаа сонгохдоо анхаарах 5 зөвлөгөөг танд өгье.

1.    Дэгжин малгай, ороолт, бээлий. Та дулаан эсвэл гоё харагдуулж байгаа малгай ороолтын алийг сонгож авдаг вэ? Малгай ороолт нь хүний нүүрийг тодотгож өгдөг чухал хувцас, та сонголтоо хийхдээ дулаан, хөнгөн, зөөлөн байдлыг нь илүүд үзэн дараа нь нүүр царайндаа зохих загвартай эсэхийг нь харж сонгон авч бай. Толгой даарч жиндвэл ой тогтоолт муудах, стресст өртөх, нулимс гоождог болох, толгой зааглаж өвдөх, ажлын чадамж буурах, нойр багасах гэх мэт олон сөрөг эмгэгүүд үүсдэгийг бодолцох хэрэгтэйг санаарай.
 
2.    Өмд, Оймс. Хөлөө дулаан байлгах нь чухал. Хэрэв та өмд өмсвөл дотуур нь нимгэн тирко эсвэл ноолууран өмд өмсдөг бол ноолууран өмд хамгийн дулаан гэдэгтэй хэн ч маргахгүй байх. Манайх шиг өвөлтэй оронд нарийхан харагдуулах нимгэн трико тийм ч сайн сонголт биш. Хэрэв бүсгүйчүүл маань юбка, даашинз өмсөхөөр бол гуталтайгаа тохирох өнгийн ноолууран тирко сонгоорой.



Оймсны хувьд аль болох дулааныг сонгох нь зөв. Гутал багтахгүй зузаан нэхээстэй гэж ноолууран оймсноос зайлсхийх хэрэггүй нимгэн бас урт түрийтэй оймс ч таны сонголтонд байгааг сануулъя. Мөн ноолууран тирког гоёмсог гидртэй хослуулан өмсөх нь шинэ бөгөөд хуучрашгүй загвар байж чаддаг.

3.    Дээгүүрээ дулаахан цамц сонгохдоо өөрт тохирсон урттайг сонгож аль болох таныг өдрийн турш гадаа ч, дотор ч биед эвтэйхэн байж чадах ядраахааргүй загварыг сонгоорой. Өвлийн улиралд цамц нь өгзөг давсан урттай байх нь дулаан байдгийг хэн хүнгүй мэдэх тул хамгийн сүүлийн үеийн загвар болон өөрийн дуртай загвараа худалдан авахыг таны сонголтонд үлдээе.


 
4.    Гадуур хувцас пальто сонгохдоо чанартайг нь бас хөнгөн дулааханыг нь сонгоорой. Ноолууран драпаар хийсэн пальто хамгийн хөнгөн бас хамгийн дулаан байдгийг онцгойлон хэлье, тиймээс материалыг нь илүүд үзэн сонгох хэрэгтэй. Пальтоны уртыг өөрийнхөө биеийн өндөртөө мөн өөрийнхөө биеийн онцлогт тохирсон байхаар сонгох ба хэрэв та илүү чөлөөт стильд дуртай бол богиновтор пальтог сонгож болно. Өнгө нь харин таны сонголт болоод бусад хувцастай чинь зохицож байхад л болно.


 
5.    Хамгийн сүүлийн үнэтэй зөвлөгөө бол: Эрүүл байвал мянган лан. Өвлийн ямар ч хувцасыг сонгон авахдаа дулаан бас хөнгөн зөөлөн байдлыг нь илүүд үзэн сонголтоо хийж байгаарай.



Энэ бүгдээс гадна таны өөрийн сайхан инээмсэглэл хувцасыг тань чимэх болно.

"Говь" нэрийн дэлгүүрийн хаяг:
 




http://www.facebook.com/GobiCashmere