Хүн амын эрүүл мэндийн тусламж үйлчилгээний хүртээмжийг сайжруулах зорилгоор ухаалаг гар утсанд суурилсан эмнэлэг, эмийн сангийн нэгдсэн лавлах “Hospital info” програм хэрэглэгчдэд хүрч байна.

"Итгэлийн шуурга" ХХК-аас гаргасан уг програмд эмнэлэг болон эмийн сангуудын танилцуулга, эмч нарын мэдээлэл, тоног төхөөрөмж, үнэ тариф, зургийн сан, лого, хаяг, утасны дугаар, вэбийн холбоос, газрын зургийн байршил зэргийг оруулсан аж. Мөн эрүүл мэндийн зөвлөгөө болон эмнэлэгүүдийн шаардлагатай дугааруудыг багтаажээ.

Мэдээлэл нь cap бүр шинэчлэгдэх бөгөөд эмнэлэг, эмийн сангийн үйлчилгээ авахыг хүссэн хүмүүсийн цаг хугацааг хэмнэх давуу талтай юм. “Hospital info” програмыг үнэгүй татаж авахаас гадна интернэтгүй үед ажиллах боломжтой. Хэрэв та Android системтэй утас хэрэглэдэг бол утасныхаа Playstore руу ороод search хэсэг дээр  Hospital info гэж бичээд энэхүү програмыг үнэ төлбөргүй татах боломжтой юм. Харин ирэх долоо хоногт iPhone буюу iOS үйлдлийн системтэй утсанд татаж авахаар гаргах гэнэ.

Мөн тус програмд мэдээллээ байршуулах хүсэлтэй эмнэлэг, эмийн сангууд тэдэнд хандаж болох аж.


Б.Сондор