Говь-Алтайн нурууны ноён оргилуудын нэг, мөнх цаст Их Богд уул нь далайн түвшнээс дээш 3957 метр өргөгдсөн аж. Монголын их говьд орших атлаа хангайн байгалийг санагдуулам номин ногоон хөвд ургамал, өнгө алаглах цэцэгсийн хүрээлэн, хүрхрэн шуугих түргэн урсгалт гол горхиуд хосолсон үзэсгэлэнт байгалийг эндээс харж болно.

Их Богд уулын оргилд зуны дунд сард цас будран орж байхад уулын дунд хэсэгт бороо орж, бэл хоолойд нь 20-30 хэмийн халуун байдаг өвөрмөц тогтоцтой ажээ. Энэхүү уул сүүлийн үед ууланд аялах дуртай аялагчдын сонирхлыг ихээр татаж буй бүс нутгийн нэг болоод байгаа гэнэ.

Н.Оюундалай http://niigmiintoli.mn/