Бразилын амьд домог Пеле 2014 оны Дэлхийн Аварга шалгаруулах тэмцээн хүртэл Неймар Бразилдаа тоглох юм бол дэлхийн шилдгүүдийн эгнээнд хүрэх боломж түүнд бий хэмээн Association Press Sport-д өгсөн ярилцлагандаа дурьджээ.

19 настай Неймар Челси, Реал Мадрид, Барселона болон Манчестер Сити гээд Европын тавцанд шилдэгүүд байж чаддаг ТОП клубүүдийн арааны шүлсийг бараг л асгаруулсан гэхэд болно. Түүний тухай сэтгэгдэлээ алдарт Пеле ийнхүү ярьж байна.

Түүн шиг чадварлаг тоглогчыг Бразилд удаан барих хэцүү гэдгийг мэдэж байна. Тэрээр яг л над шиг Сантос клубээс бүхнийг эхэлж байна. Түүнийг 2014 он хүртэл тэр багтаа тоглоно гэж найдаж байгаа. Ямар ч эргэлзээгүйгээр тэр сайн тоглогч. Тэр Кака, Месси нар шиг болох нь гарцаагүй. Эсвэл Роналдо, Зико, над шиг ч болох боломж түүнд байгаа"

Түүнийг энэ зун Манчестер Сити болон Челси клубүүд идэвхтэй сонирхож байсан болохоор Бразилыг орхиход бараг орхиж байсан юм.

"Неймар хаана ч тоглосон өөрийгөө харуулж чадах сайн тоглогч ч гэлээ түүнийг Европд ирэх ирэхгүйг хэлэхэд хэцүү юм. Өнгөрсөн онд түүнд бас саналууд ирж байсан ч тэрээр дахин нэг жилийг Бразилд өнгөрүүлэхийг хүссэн. Энэ нь ч түүнд сайнаар нөлөөлсөн байх. Англид тоглох нь түүнд жаахан ярвигтай байх магадлал өндөр юм л даа. Неймарын хэв маяг Англи, Герман, Италид тохирох эсэх нь эргэлзээтэй. Учир нь тэр лигүүд илүү нягт лигүүд шүү дээ"

"Сонсож бай, энэ чинь хөлбөмбөг шүү дээ, яг л гэнэтийн бэлэг гарч ирдэг хайрцаг гэсэн үг. Хоёр сарын өмнө л бид гайхалтай финалын тоглолт үзэх нь. Бразилчуудын эсрэг Аргентин гээд л бүх хүмүүс шуугиад байлаа. Гэхдээ бодит байдал дээрээ арай өөр юм болсон. Неймар-Месситэй өрсөлдөх Бразилын шилдэг тоглогч. Тэдний энэ өрсөлдөөнийг Копа Америкад харна гэж найдаж байлаа. Харамсалтай нь Бразил болон Аргентин 2уулаа хасагдсан" хэмээн ярилцлага өгчээ.

Түүний хэлсэн ярьсан үнэн болж биелэлээ олох эсэхийг цаг хугацаа бидэнд харуулах биз ээ...

Д.Гантөгс “CSPORTS TEAM”



http://www.csports.mn/