Тэгш хамруулах боловсрол-Зөв хандлага" эрдэм шинжилгээ, онол практикийн хурал зарлагдаж байна. Үндэсний хэмжээнд тэгш хамруулан сургах боловсролын үзэл баримтлалыг нийтэд сурталчлах, сайн туршлагыг түгээн дэлгэрүүлэх, сургалтын арга зүйг дэлгэрүүлэх зорилготой аж. Эл хурлыг  Боловсролын ерөнхий газар, ЖАЙКА олон улсын байгууллагын Монгол улс дахь Төлөөлөгчийн газар хамтран зохион байгуулж буй.

Хуралд хамрагдах хүрээ

• Сургуулийн өмнөх боловсролын байгууллагын удирдлага (цэцэрлэгийн эрхлэгч, арга зүйч),
• Ерөнхий боловсролын сургуулийн удирдлага (сургуулийн захирал, сургалтын менежер, нийгмийн ажилтан)
• Сургуулийн өмнөх боловсролын багш
• Ерөнхий боловсролын сургуулийн багш нар хамрагдана.

Цахим шуудангаар ирүүлсэн илтгэлийн шинэлэг санаа, тэргүүн туршлага, практик ач холбогдол, үр нөлөө, үндсэн шаардлага зэргийг харгалзан мэргэжлийн баг дүгнэж, зохих шалгуурыг хангасан 20 илтгэлийг шалгаруулна.

• Шалгарсан 20 илтгэлийг цахимаар ярилцлагад оролцуулж, илтгэгч болон шүүгчдийн багтай ярилцлага хийнэ.
• Ангилал тус бүрээс онцлох 3 илтгэл буюу нийт 9 илтгэлийг шалгаруулан  дараагийн үе шатад оролцогчид илтгэнэ. (Сургуулийн өмнөх боловсролын багш-3, Ерөнхий боловсролын сургуулийн багш-3, удирдлагын багаас-3)

II үе шат
Шалгарсан 9 илтгэлийг үндэсний хэмжээнд танилцуулах үйл ажиллагааг танхимаар зохион байгуулах бөгөөд танхимаар хэлэлцэж буй 9 илтгэлийг цахимаар үндэсний хэмжээнд шууд дамжуулна.

Илтгэл хүлээн авах хугацаа

2023 оны 10 дугаар сарын 5-ны өдрөөс 10 дугаар сарын 30-ны өдрийн 17:30 хүртэл цахим хэлбэрээр uyanga@agency.edu.mn хаягаар хүлээн авна.

• 2023 оны 11 дүгээр сарын 16-ны 15:00 цагт 9 илтгэлийг цахимаар шалгаруулна.
• 2023 оны 12 дугаар сарын 15-ны өдөр үндсэн 9 илтгэлийг танхимаар хэлэлцүүлнэ.

Хуралд илтгэл хэлэлцүүлсэн оролцогчдод гэрчилгээ олгох ба шагналт байранд шалгарсан оролцогчдод өргөмжлөл, үнэ бүхий зүйл олгоно.

Дэлгэрэнгүй мэдээллийг QR болон энэхүү холбоосоор хандаж авах боломжтой. https://drive.google.com/.../1tWbW3Kgw27w5.../view...