Тэтгэврийн шинэчлэлд хохирогч ахмадууд Засгийн газарт шаардлага хүргүүлэх талаар өнөөдөр мэдээлэл хийлээ.

Сангийн сайд Б.Жавхлан тэтгэврийн зөрүүг итгэлцүүрээр арилгаж, ойролцоо түвшинд хүргэнэ гэж мэдээлсэн. Эл асуудлыг Засгийн газрын хуралдаанаар хэлэлцэж, Монгол Улсын 2023 оны төсвийн тухай хуульд нэмэлт өөрчлөлт оруулах хуулийн төсөл буюу төсвийн тодотгол хийсэн.

Арван жилийн өмнөх буюу 2013 оны цалингийн дээд ₮1,4 сая  хязгаараас бидний тэтгэврийг бодсон байна.

Гэтэл ахмадуудын төлөөлөл өнөөдөр мэдээлэл хийж тэтгэвэр дорвитой нэмэгдсэнгүй гэв. Тэд  "Тэтгэвэр нэмэгдлээ гэх ч 5-10 мянга, 30-40 мянган төгрөгөөр нэмэгдэж, зарим нь бүр хасагдаж бодогдож байна.

Монгол Улсад 330 мянган ахмад хүн өндөр настны тэтгэвэр авдаг ба тэдний 270 гаруй мянга нь 500-600 мянган төгрөг авч байна.

2023 оны зургаадугаар сарын 21-нд гарсан тогтоолын дагуу тэтгэврийг итгэлцүүрээр буюу 10 хувиар нэмэх талаар мэдээлэлд ахмадууд ихэд баяртай байсан ч долоодугаар сард тэтгэвэр буухад ихэнх ахмадын тэтгэвэр 500-600 мянга байсанд урам хугарсан.

Жишээ нь миний 562 мянган төгрөгийн тэтгэвэр 4000 төгрөгөөр нэмэгдээд 566 мянган төгрөг болсон.

Нийгмийн даатгалын газраас энэ талаар тодруулахад арван жилийн өмнөх буюу 2013 оны цалингийн дээд хязгаар ₮1,4 саяас бидний тэтгэврийг бодсон байна. Өөрөөр хэлбэл дунджаар 500-600 мянган төгрөгийн тэтгэвэр, хэрэв 20-оос дээш ажил ажилласан бол 700 мянга хүрч байна. Ахмад хүн гэхээр хоол идэхээ болихгүй. Төр засгийн албан тушаалтнууд идэж уугаад байгаа мөнгөний дэргэд тэтгэврийн нэмэгдэл гэж өчүүхэн жаахан мөнгө. Бид эрхээ зөрчүүлж байна. Засгийн газар энэ асуудлыг удахгүй шийдэж, Ахмадын баяраас өмнө гаргасан алдаагаа засна гэж итгэж байна" гэлээ.