Хүний тархины 85 хувь нь таван настай байхад хөгждөг болохыг 1961 оноос үйл ажиллагаа явуулж эхэлсэн алдарт “Рауч” сангийн эмхтгэсэн мэдээллээр тогтоожээ! Үүний үр дүнд амьдралын эхний жилүүд нь бага насны хүүхдийн эрүүл хөгжилд чухал ач холбогдолтой юм байна. Бие бялдрын хөгжлийн нэгэн адил танин мэдэхүй, нийгэм, сэтгэл хөдлөлийн үе шатууд нь хүүхдийн хөгжилд цаашдын чухал алхмуудад нөлөөлдөг гэжээ.

Улаанбаатарын булан тохой бүрд шинэ содон зүйлс нэмэгдэхийн хэрээр түгжрэл хүний хөл хөдөлгөөнд дарагдаж цаг хугацаагаа алдсаар байгаад хүн бүхэн л их багагүй стрессэд орж байх шиг. Ирэх сараас сургууль цэцэрлэг эхлээд энэ асуудал оргилдоо хүрдгийг нийтээрээ мэддэг бүүр дасал болчихсон. Маршалл таунд тоглоомын төв гэж андуурахуйц шинэ цэцэрлэг нээгдэж. Орж танилцчихаад гайхширан гарч явахдаа бид боловсрол гэх хүнд нэршилд дарагдаж бие бялдар, болон сэтгэлийн боловсролыг орхигдуулаад байна уу даа? гэж бодогдлоо. Учир "Nobles" цэцэрлэг хөтөлбөртөө хүүхдийг яг хүүхдээр нь хүлээн авч тоглох, харилцах, танин мэдэх үндсэн хэрэгцээг нь хангахаар оруулсан байх юм.

2–8 насны хүүхдэд өдөр тутмын хөдөлгөөн, тохирсон хэмжээний оюуны ачаалал хийж байх нь бие болон сэтгэл зүй эрүүл байхад зайлшгүй чухал ач холбогдолтой. Манайхан дунд тэр дундаа залуу гэр бүлүүдэд илүүтэй анзаарагддаг болсон шөнийн нойрны асуудал үүнтэй ч холбоотой. Хүүхдэдээ унтаарай гээд утас, зурагт үзүүлчихнэ хүүхэд нь шөнийн 1, 2-оос нааш унтахгүй. Дараа нь утас үзэхээ боливол чихэр өгнө гэж хуурна. Хүүхэд өглөө цэцэрлэгтээ явахгүй гэж нойроо харамлана. Гэвч аль ч насны хүн хөдөлгөөн дутагдсан үед нойрны асуудалд орох магадлал маш өндөр болдог гэж 2014 онд Питтсбүрг-ийн их сургуулийн доктор Кристофер Клайн хийсэн судалгаандаа дурджээ.

Мөн 3–5 насанд танин мэдэхүйн боловсрол хамгийн чухал. Япон цэцэрлэгүүд ч гэсэн энэ насанд нь хүүхдийг хүрээлэн буй орчноо танин мэдэхэд зориулсан байдаг. Зогсолтгүй үргэлжлэх “-Яагаад?” гэх асуултад учирлан тайлбар өгч өөрөө өөрсдөөс нь “-Харин чи яагаад гэж бодож байна?” гэх мэтээр харилцаа үүсгэх нь танин мэдэхүйг тэлэхэд тустай бөгөөд хүүхдийг аливаа зүйлийг туршиж өөрийн биеэр хийж үзэхийг зөвлөдөг байна.

Харин "Nobles" цэцэрлэг хүүхдэд хүүхдээрээ байх боломжийг олгож тоглох, хайрлуулах, эрүүл байх бүхий л орчин бүрдүүлчхэж. Эрүүл ахуй, хоол хүнсний аюулгүй байдал, тоглоомын төв бүгд нэг дор. Бага насны хүүхдийн бие, сэтгэл зүй болон оюун ухааны чадамжийг цогцоор хөгжүүлэх Солонгос арга зүйн хөтөлбөртэй. Хүүхэд өдөр бүр бялдаржуулах төвд цагийг зугаатай өнгөрүүлж уран зураг, дуу хөгжим, сонгодог урлагийн дугуйланд мэргэжлийн багштай хичээллэх боломжтой. Мөн англи хэлний Сингапур хөтөлбөр нэмэлтээр хэрэгжүүлнэ гээд олон сайхан боломжийг бидэнд тэр дундаа хүүхдүүдэд маань олгож байгаа юм байна.

Хүүхэд бүхэн аз жаргал, хайр халамжаар дүүрэн байж эрүүл жаргалтай хүн болоосой!
"Nobles" цэцэрлэгийн хамт олон та бүгдэд баярлалаа!

"NOBLES" ЦЭЦЭРЛЭГ:

Фейсбүүк хуудас: https://www.facebook.com/nobleskindergarten

Инстаграм хуудас: https://www.instagram.com/nobleskindergarten/