Өнгөрсөн долоо хоногт тохиосон АНУ-ын “Хар баасан гараг”-ийн цахим худалдааны борлуулалт 9.8 тэрбум ам.доллар хүрч, дээд амжилт тогтоосныг “Adobe Analytics” мэдээлсэн байна. Энэ нь баярын улирлын борлуулалт тааруу байна гэсэн шинжээчдийн таамгийн давсан үзүүлэлт болсон бөгөөд зах зээлд эерэг дохио өглөө.

“Хар баасан гараг”-ийн цахим худалдааны борлуулалт өнгөрсөн оны мөн үеэс 7.5 хувиар өсөхөд цахилгаан бараа, ухаалаг бугуйн цаг, зурагт, аудио төхөөрөмжийн эрэлт хэрэгцээ нэмэгдсэн нь нөлөөлсөн байна.

Борлуулагчид төлбөрийн уян хатан нөхцөл санал болгож буй төдийгүй "одоо худалдаж аваад, дараа нь төл" нөхцөлтэй худалдан авалт Талархлын баярын өмнөх долоо хоногийнхоос хойш 72 хувиар өсөөд байгаа аж.

Энэ жил АНУ-ын иргэдийн цар тахлын үеийн хуримтлал буурч, зээлийн хүү сүүлийн 20 гаруй жилийн дээд түвшинд хэвээр байгаатай холбоотойгоор баярын өдрүүдэд зарцуулалтаа нэмэгдүүлэх нь сорилт болоод байсан юм.

О.Цэнгэг