Сүүлийн жилүүдэд нөхөн үржихүйн насны эмэгтэйчүүдийн дунд дутуу төрөх, зулбах, жирэмслэлт өсөлтгүй болох, урагт гаж хөгжил үүсэх зэрэг эрсдэлүүд хурдацтай өссөн нэмэгдэж байна. Үүний гол шалтгаануудын нэг нь вирусний бүрдэл халдвар болох TORCH халдвар юм.

Мөн бэлгийн замын өвөрмөц болон өвөрмөц бус нянгийн халдвар, бусад вирусээс үүдэлтэй өвчлөлүүд эмэгтэйчүүдийн дунд элбэг тохиолдож байна. Эдгээр шалтгаануудаас үүдэлтэй эрүүл мэндийн салбар тэр дундаа эмэгтэйчүүдийн хавдрын практикт тулгамдаж буй томоохон асуудал бол Умайн хүзүүний хорт хавдар юм. Умайн хүзүүний хорт хавдрын голлох шалтгаанд Хүний хөхөнцөр вирусний халдвар тэргүүлж байна.  

Тиймээс эдгээр эрсдэл, асуудлуудтай нүүр тулан ажиллаж буй эмч нарыг чадавхжуулж, ОУ-ын эмчилгээний арга туршлагаас суралцах боломжийг  “ Монголын эрүүл мэндийн мэргэжлийн боловсролын нийгэмлэг ” ТББ, АШУҮИС-ийн Эх барих-эмэгтэйчүүдийн өвчин судлалын тэнхим, Монголын Эх барих-эмэгтэйчүүдийн эмч нарын холбоо хамтран Монгол Улсад анх удаа “CASE STUDY” эмчилгээний аргазүй, судалгаанд суурилсан сургалтыг “ЭХ БАРИХ ЭМЭГТЭЙЧҮҮДИЙН ЭМЧ НАРЫН ПРАКТИК ДАХЬ ТУЛГАМДСАН АСУУДЛУУД” сэдвээр ОХУ-ын Эх барих-эмэгтэйчүүдийн шинжилгээ судалгааны институтийн Эрдэм шинжилгээний салбарын эрдэмтэн эмч нарыг урьж оролцуулан зохион байгуулсан байна.

Тус сургалт нь Нөхөн үржихүйн насны эмэгтэйчүүдийн халдварууд болон эх урагт зонхилон тохиолддог TORCH халдвараас сэргийлэх, түүнийг эмчлэх чиглэлээр бодитой туршлага, судалгаа, эмчилгээний арга технологийг ОУ-ын эрдэмтэн, докторуудаас суралцах боломж олгосноороо илүү онцлогтой байлаа.

Өнөөдөр зохион байгуулагдсан “ЭХ БАРИХ ЭМЭГТЭЙЧҮҮДИЙН ЭМЧ НАРЫН ПРАКТИК ДАХЬ ТУЛГАМДСАН АСУУДЛУУД” сэдэвт сургалтад:

Нина Викторовна Зароченцева, ОХУ-ын ШУА-ын профессор, АУ-ны доктор, профессор М.Ф.Владимирын нэрэмжит Москвагийн Эх барих-эмэгтэйчүүдийн шинжилгээ судалгааны институтийн эх барих, эмэгтэйчүүдийн тэнхимийн профессор.

Москвагийн Эх барих-эмэгтэйчүүдийн шинжилгээ судалгааны институтийн Эрдэм шинжилгээний салбарын дэд захирал “Эх барихын практик дахь оношилгоо, эмчилгээ” сэдвээр Игорь Иванович Баранов, АУ-ы доктор, профессор. «ОХУ-ын ЭМЯ-ны харьяа В.И. Кулаковын нэрэмжит Эх барих, Эмэгтэйчүүд ба перинатальны анагаах ухааны үндэсний судалгааны төв»-ийн Шинжлэх ухааны үйл ажиллагааг зохион байгуулах газрын Шинжлэх ухаан, боловсролын хөтөлбөрийн газрын дарга, ОХУ-ын эх-барих эмэгтэйчүүдийн эмч нарын нийгэмлэгийн дэд ерөнхийлөгч  “Эмэгтэйчүүдийн өвчлөлийн практик дахь оношилгоо, эмчилгээ” сэдвээр тус тус лекц уншлаа.

Тус сургалтад ОХУ-ын Ферон эмийн үйлдвэрийн бүтээгдэхүүн хариуцсан захирал Ксения Михайлова оролцож Виферон эмийн эмчилгээ эмэгтэйчүүдийн өвчлөлд дээр хийгдсэн судалгаа мэдээллийг танилцууллаа.

Тэрээр хэлэхдээ: Өнөөдөр ОХУ-ын Ферон компани Монголын Анагаахын Их Сургуулийн эх барих эмэгтэйчүүдийн өвчин судлалын тэнхим,  Монголын Эх барих-эмэгтэйчүүдийн эмч нарын холбоо болон ЭНТО компанитай хамтран ОХУ-ын хүндэт профессоруудыг оролцуулсан эмэгтэйчүүдийн ба эх барихын үеийн тулгамдсан асуудлын талаар хамтарсан симпозиум зохион байгууллаа.

Энэхүү сургалтаар бид орчин үед эх барих-эмэгтэйчүүд дунд хамгийн идэвхтэй тархаж буй вирусний халдварт өвчлөлүүд болох герпес, хүний хөхөнцөр вирус, ТОRCH халдварын талаар хөндөн ярилаа.

Монгол улсад өөрийн компанийг төлөөлөн Виферон бүтээгдэхүүний өндөр тунгийн хэрэглээг ОХУын эмчилгээний практикт хэрэглэгдэж буй мэдлэг туршлага, судалгааг хүргэсэндээ баяртай байна.

Бид нар Монгол улстай 10 гаруй жил хамтран ажиллаж байгаадаа туйлын баяртай байна. Хэмээн сэтгэгдлээ илэрхийлжээ.
Энэхүү сургалтад манай орны эмэгтэйчүүдийн чиглэлээр ажиллаж буй 500 гаруй эмч нар тус сургалтад танхим болон онлайнаар тус тус оролцсон байна.

Тус лекцийн бичлэгийг үзэхийг хүсвэл “Монголын эрүүл мэндийн мэргэжлийн боловсрол ТББ-н Фэйсбүүк хуудаснаас хүлээн авч үзээрэй.