Билгийн тооллын ХҮII жарны “Ялгуусан” хэмээх модон Морин жилийн сар шинийн барилдааныг үзэх бөх сонирхогчдод сонордуулахад, Бөхийн өргөөний үзэгчдийн суудлын эхний гурван эгнээний тасалбарын үнэ нь 25 мянга, бусад суудал 20 мянган төгрөгийн үнэтэй байна.

Сар шинийн баярт зориулсан улс, аймгийн алдар цолтой 256 бөхийн барилдаан битүүнд буюу нэгдүгээр сарын 30-ны өдөр “Бөхийн өргөө”-нд хүч үзнэ.

Тус барилдаанд зодоглох бөхчүүдийг энэ сарын 29-нөөс эхлэн бүртгэх бол барилдааны тасалбарыг битүүний өдрийн өглөөний 10 цагаас эхлэж “Бөхийн өргөө”-ний кассаар худалдана. Битүүнд болох бөхийн барилдаан 14.00 цагаас эхэлнэ.

Д.Өлзий