Монголын  мянганы сорилтын сангийн хөрөнгө оруулалтаар Чойроос Сайншанд хүртэл нутгийг нийслэлтэй хатуу хучилттай замаар холбож, ашиглалтад оруулаад байгаа билээ.

Замыг АНУ-ын СТВ технологи буюу цементээр бэхжүүлсэн сууриар барьжээ.

Зам барилгын ажлын 90 км автозамыг БНСУ-ын “Халла инженеринг энд констракшн корпорайшн”, үлдсэн замыг БНХАУ-ын “Жианши уотэр энд гидропауэр констракшн” компани гүйцэтгэжээ.
Замыг хайрган суурь, цементээр бэхжүүлсэн болохоор 80 хүртэлх тоннын даацтай автомашин явах боломжтой.

Түүнчлэн Чойроос-Сайншанд хүртэл 176,4 км замд 10-64 метрийн урттай найман гүүр, 239 төмөр бетон хоолой барьжээ.

Замын зорчих хэсгийг маргааш улсын комисс хүлээж авахаар болжээ.

Я.Хүрэлхүү