АНУ-ын Харилцаа холбооны хороонос интернетийн тэгш байдлыг устгахад нэг алхам ойртсон бол Их Британийн эрх баригчид өндөр хурдны интернетийг иргэний эрх гэж үзэж байгаагаа зарлажээ.

Их Британийн Дижитал, соёл, спортын яамнаас мэдээлснээр 2020 он гэхэд эрх баригчид интернетийн үйлчилгээ эрхлэгч компаниудаас хэрэглэгчдэд өндөр хурдны интернетийг тэгш түгээхийг шаардаж эхэлнэ гэсэн байна.

Соёлын яамны нарийн бичгийн дарга Карен Бредли “Хувь хүмүүст, бизнесийн салбарт өндөр хурдны интернет ямар чухал болохыг бид мэдэх учраас хүн бүр өндөр хурдны интернетийг эрх тэгш хүртээсэй гэж хүсэж байна” гэжээ.

Ийм шийдвэр гарч байгаа учраас эрх баригчид харилцаа, холбооны компаниудыг хэрэглэгчдэд 10 мегабитээс дээш хурдтай сүлжээ санал болгохыг шаардах аж. 

Эх сурвалж: Mashable