Сар хэрхэн үүссэн болохыг бид баттай мэдэхгүй. Таамаг ёсоор нарны аймаг үүссэнээс дөнгөж 30-40 сая жилийн дараа буюу одоогоос 4,5 тэрбум жилийн тэртээ манай дэлхийтэй Ангараг гариг шиг хэмжээтэй биет мөргөлдсөний улмаас үүссэн гэж үздэг.

Гэвч тэр биет манай дэлхийтэй мөргөлдөөгүй бол, сар огт байгаагүй бол ямар байх байсан бол?

1. Шөнийн тэнгэр гүн харанхуй байх байлаа. Манай дэлхийгээс хамгийн тод харагдах биет нь Сугар гариг байх хэдий ч шөнийн тэнгэрийг хангалттай гэрэлтүүлж чадахгүй. Учир нь сар нарнаас ирэх гэрлийг өөртөө ойлгохдоо бидэнд Сугар гаригаас 2000 дахин тод харагддаг аж.
2. Сар байхгүй байсан бол дэлхийн нэг хоног 6-12 цагийн хугацаатай байх байв. Үүний улмаас нэг жил 1000 гаруй өдөртэй болох бөгөөд сарны татах хүч манай дэлхийн тэнхлэгээрээ эргэх хурдыг сааруулж байдаг аж.
3. Саргүй дэлхий дээр далайн давлагаа одоогийнх шиг байхгүй. Давлагаан дээр тавцангаар гулгах ч боломжгүй. Нар хэдийгээр татах хүчээрээ багахан хэмжээний давлагаа үүсгэх хэдий ч далай гэдэг асар уудам, цэлийсэн ус байх байлаа.
4. Нар, сарны хиртэлт гэж хэзээ ч болохгүй. Дээрээс нь тэргэл сар гарахгүй учраас “хүн чоно” ч байхгүй.
5. Сар хэрвээ байхгүй байсан бол дэлхийн тэнхлэг одоогийнх шиг байхгүй. Магадгүй бидний төсөөлж ч мэдэхгүй эрс тэс уур амьсгал энд байх байсан биз. Сарны ачаар манай дэлхийн тэнхлэг 23,5 градусын өнцгөөр хазайжээ. Үүний ачаар дөрвөн улирал ээлжилж, хойд, өмнөд туйл оршин буй.

Хамгийн гол нь эрдэмтдийн тооцож үзсэнээр хэрвээ дэлхий саргүй байсан бол энд амьдрал үүсэх магадлал тун бага байх байлаа. Тэгэхээр би энийг бичиж, та үүнийг унших магадлал мөн л тун бага байх байжээ.

Эх сурвалж: InsideScience