Хятадын хүн ам өнгөрсөн онд 4.6 саяар нэмэгдэж, 1.4 тэрбум давсан тухай тус улсын үндэсний статистикийн мэдээлэлд дурджээ. Энэ тоо баримтад засаг захиргааны онцгой бүс болох Хонконг, Макао, Тайванийг оролцуулаагүй байна.

Эрэгтэйчүүдийн тоо 715, эмэгтэйчүүдийнх 684 саяд хүрсэн бөгөөд нийт хүн амын тоо 1 тэрбум 400 сая 50 мянга болжээ.

Өнгөрсөн онд Хятадад 14.6 сая хүүхэд мэндэлсэн нь 2018 онтой харьцуулахад 580 мянгаар буурсан үзүүлэлт юм. Ийнхүү төрөлт жил ирэх тусам буурч, Хятадын сүүлийн 70 жилийн түүхэнд хамгийн цөөн хүүхэд төрсөн жил 2019 онд тохиов.

Тус улсын засгийн газар 2016 онд олон жилийн турш хэрэгжүүлсэн "Нэг өрх- Нэг хүүхэд" бодлогыг зогсоож, гэр бүлүүдэд хоёр хүүхэдтэй болохыг зөвшөөрсөн. Гэсэн хэдий ч хүүхэд өсгөх зардал өндөр мөн залуучуудын амьдралын хэв маяг өөрчлөгдөж байгаатай холбогдуулан төрөлт буурсаар байна.

Хятадын нийт хүн амын 18 хувийг 60 болон түүнээс дээш настай иргэд бүрдүүлж байгаа ажээ. Харин хөдөлмөрийн насны /16-59/ хүн амын тоо 896 сая байгаа нь нийт хүмүүсийн 64 хувийг эзэлж байна.

Хятадын төрөлтийн түвшин:

/1000 хүн тутамд/

Эх сурвалж: NHK