Нийслэлийн Засаг дарга С.Амарсайхан “Хоггүй орчин” ажлын хэсэг байгуулж, гэр хорооллын дунд болон гудамж, талбайд цугларсан хур хогийг цэвэрлэх ажлыг зохион байгуулах үүргийг холбогдох албан тушаалтнуудад өгсөн.

Үүнтэй холбоотойгоор хог цэвэрлэгээний ажил хийгдэж буй ч хур хог хаягдал үүссээд байгаа тухай иргэдийн гомдол санал тасрахгүй байна. Иймээс иргэн та нийслэлийн 9 дүүргийн гудамж, талбай дахь хогийн цэг, цугларсан хогийн талаарх зураг, бичлэг бүхий мэдээллийг коммент болон захидал илгээх хэсгээр дамжуулан хаяг, байршлыг бидэнд илгээгээрэй.

Таны ирүүлсэн гомдол, саналыг бид холбогдох байгууллага, албан тушаалтанд уламжилж шийдвэрлүүлэх болно гэж НДЗТГ-ын Хэвлэл мэдээлэлтэй харилцах хэлтэсээс мэдээллээ.