Өнөөдөр 13:00 цагаас УБТЗ-ын Удирдах газрын өмнөх талбайд "Ган зам" дууны хөшөөнд цэцэг өргөх ёслол болно.

Дараа нь уг дууны үгийг зохиосон төрийн шагналт яруу найрагч Ч.Лхамсүрэн агсны амьдрал уран бүтээлийн тухай гэрэл зургийн үзэсгэлэнг нээх юм. Нээлтэд УБТЗ-ын удирдлага, их зохиолчийн гэргий оролцоно.

Энэ жил төрийн шагналт яруу найрагч Ч.Лхамсүрэн агсны 100 жилийн ой тохиож байна. Тэрээр төмөр замын байгууллагаас амьдрал уран бүтээлийн замналаа эхлүүлжээ.