Олон улсын тээвэр зуучлал, ложистикийн үйлчилгээ эрхэлдэг “Монложистикс Ворлдвайд” ХХК нь салбартаа анх удаа Чанарын Удирдлагын Тогтолцооны ISO 9001:2008 стандартыг үйл ажиллагаандаа нэвтрүүллээ.

Стандартын батламжийг олон улсын хэмжээнд итгэмжлэгдсэн баталгаажуулалтын TÜV Rheinland байгууллагаас хүлээн авав.

Монложистикс Ворлдвайд ХХК нь 2005 оноос эхлэн олон улсын тээвэр зуучлал, ложистик үйлчилгээний чиглэлээр тогтвортой үйл ажиллагаа явуулж ирсэн, салбартаа тэргүүлэгч үндэсний баялаг бүтээгчдийн нэг бөгөөд байнга хэрэглэгч, харилцагчдынхаа хэрэгцээ, шаардлагад нийцсэн шинэлэг үйлчилгээг эрхэмлэн ажилладаг.

Далайд гарцгүй газар зүйн байрлал, хязгаарлагдмал дэд бүтэц бүхий онцлогтой манай улсын экспорт, импортын бүх төрлийн тээвэр ложистикийн үйлчилгээний зардлыг хэмнэж, тээвэрлэлтийн хугацааг богинсгох зэрэг тулгамдсан асуудлуудыг мэргэжлийн өндөр ур чадвар, оновчтой тээвэр ложистикийн хувилбаруудад үндэслэн үр дүнтэй шийдвэрлэн, 6 тивийн 85 орны 300 гаруй харилцагч түншүүдийн өргөн сүлжээгээрээ дамжуулан дэлхийн өнцөг булан бүрт хүрэн үйлчилж байна.