“Poker Face” дуугаараа олны танил болсон Lady Gaga амжилтын оргилд хүрэхийн тулд өөрийнхөө хөгжмийн ур чадвар, имиж бүрдэлт, тайз засалтандаа хамгийн ихээр анхаарлаа хандуулж олсон мөнгөө тэр бүхэнд хайрлалгүй зарцуулдаг гэнэ.

Тэрбээр хэлэхдээ “Миний гэр бол энэ тайз юм. Би энэ тайзан дээрээ амьдардаг. Надад үүнээс өөр гэр орон байхгүй. Тэр бүхэнд би мөнгө зарцуулж чадахгүй. Харин урлаг, хөгжим, тайзаа босгохын тулд үргэлж мөнгөө зарах болно” гэжээ.

Алдарт дуучин өөрийнхөө ажилдаа бүхий л амь амьдралаа зориулдаг гэхэд хилсдэхгүй биз. Тэрбээр чөлөөт цагийг тэр бүр гаргадаггүй байна.

“Надад сул цаг хугацаа гэж байхгүй. Би маргааш үхэх юм шиг л ажилладаг. Гэвч манай гэр бүлийнхэн ням гариг болгон цуглан хоол хийж иддэг уламжлалтай. Заримдаа би өөртөө зөвшөөрөл өгч тэдэндээ зав гаргадаг” гэж Lady Gaga нэгэн сэтгүүлд өөрийнхөө талаар ярьжээ.

Lady Gaga өөрийгөө маш нарийн хоолны дэглэм сахидаг поп дуучин хэмээн тодорхойлсон байна. Тэрбээр талх иддэггүй бөгөөд зөвхөн ногооны салат, загас зооглодог аж. Харин заримдаа ням гаригт пастагаар хорхойгоо дардаг гэсэн шүү.

Манай сайтад хамгийн сүүлд тавигдсан Lady Gaga-гийн дууг сонсохыг хүсвэл энд дарна уу.

Г.Одгарав