Шинжээчдийн үзэж буйгаар, амиа золиослогчдын барьцаалсан иргэний агаарын тээврийн хоёр онгоц дээрх барилгыг мөргөсөн нь түүний нурах шууд үндэс болоогүй гэнэ. Харин дэлбэрэх төхөөрөмж ашиглан барилгын монтажийг "задлах" ажиллагаа явуулсан нь цамхгийг нураахад хүргэжээ. Энэхүү дүгнэлтээ тэд фото болон видео материал хавсаргасан дэлгэрэнгүй задлан шинжилгээ, олон тооны гэрчийн мэдүүлгээр баримтжуулжээ.

"Болсон явдлыг бодитой дүгнэж цэгнэхэд АНУ-ыг тэр аяар нь сандралд оруулсан шоок саад болсон" гэж Америкийн архитекторчдын хүрээлэнгийн гишүүн Ричард Гэйж тэмдэглэв. Тэрбээр "Ихэр цамхаг онгоц мөргөснөөс болж нурсан гэх домгийг бид шалгасан. Цамхгийн дотор талд тэсрэх төхөөрөмж байрлуулах үйл ажиллагааг мэргэжлийн түвшинд явуулсан гэдэг нь илэрхий байна. Ийм ажил минажуулалтын түвэгтэй систем шаарддаг. Худалдааны төвд тухайн үед ажиллаж байсан хяналт, аюулгүй байдлын системийг тооцоод үзэхээр энэ бүхнийг террористууд шууд гардан хийсэн гэж хэлэхэд хүндрэлтэй байгаа юм. Тиймээс халдлагыг АНУ-ын Засгийн газрын хүрээнд "найруулсан" байх боломжтой гэсэн аймшигт дүгнэлтэд бид хүрлээ" гэж ярьж байна.

Тэд засгийн газартаа итгэхгүй байна "Нью-Йорк таймс" сониноос төсөрхөн зохион явуулсан санал асуулгаар өдгөө америкчуудын 3/4 нь есдүгээр сарын 11 -ний халдлагын тухай үнэнийг Засгийн газар нь тэднээс нуусан хэмээн сэжиглэж яваа нь тодорхой балжээ. "Аль-Каида"-гийн дайралтын тухай албан ёсны хувилбарт үл итгэгчдийн тоо өнгөрөгч онтой харьцуулахад эрс өсчээ. Түрүү жил хүн амын тэн хагас нь эл асуудлаар эрх баригчадаа итгэхгүй гэж хариулж байв.

Албан ёсны дүгнэлтээр бол, Осама бин Ладены удирддаг террористууд дөрвөн нисэх онгоц хулгайлж, Өрнөдийн голт зүрхэнд цохилт өгсөн гэдэг. Онгоцуудын хоёр нь Нью-Йоркийн ихэр цамхгийг мөргөж устгасан бол, гурав дахь нь Вашингтон дахь Пентагоны төв байрны барилга дээр унасан. Барьцаалагчдыг зорчигчид нь эсэргүүцэхийг оролдсоны дараа сүүлчийн онгоц Вашингтоноос хойд зүгт 150 милийн зайд Пенсильвани мужийн хүнгүй хэсэгт унасан юм. Холливудад саяхан бүтээсэн "93 дугаар чиглэл" кинонд зорчигчдын тэрхүү гавьяаг өгүүлсэн байна.

Халдлагын уршгаар гэм зэмгүй 3000 орчим хүн үрэгдсэн бөгөөд АНУ-ын Ерөнхийлөгчийн терроризмын эсрэг дэлхийн дайн зарласны гол шалтгаан энэ байсан, Афганистан, Иракт асаасан тэрхүү дайны гал одоо хэр дүрэлзсэн хэвээрээ, Осама шинэ мэдэгдэл хийв

АНУ-ын Нью-Йорк, Вашингтон хотод болсон алан хядах ажиллагааны зургаан жилийн ойн өдөр буюу 2007 оны есдүгээр сарын 11-нд "Аль-Каида"-гийн лидер Осама бин Ладен интернэтээр мэдэгдэл хийлээ, Энэ нь сүүлийн долоо хоногт түүний хийсэн хоёр дахь видео мэдэгдэл юм. Уг бичлэгт Осамагийн фотог үзүүлэхийн зэрэгцээ 2001 оны есдүгээр сарын 11-ний халдлагад оролцсон Валид аль-Шехрийг террорист номер нэг магтан ерөөжээ. Валид аль-Шехри нь Дэлхийн худалдааны төвийг мөргөсөн агаарын тээврийн Атепсап АИтез компанийн онгоцонд сууж явж, Бичлэгт гарч буй дуу хоолой Осама бин Ладеных мөн эсэхийг тогтоохоор мэргэжилтнүүд ажиллаж байна.

Алан хядах "Аль-Каида" байгууллагын тэргүүн 2004 оны аравдугаар сараас хойш анх удаа энэ сарын 7-нд видео мэдэгдэл хийсэн юм. Уг мэдэгдэлдээ тэрбээр дэлхийн өнөөгийн цаг үеийн тулгамдсан асуудлуудыг хөндөхийн сацуу Иракт явуулж буй Вашингтоны бодлогыг шүүмжилж, түүнийг нь хуучин ЗХУ-аас Афганистаны талаар баримталсан бодлоготой дүйцүүлсэн юм, Бас АНУ-д шинэ дайралт хийхээр сүрдүүлсэн. Америкийн тусгай албад эл мэдэгдлийг хуурамч хэмээгээд, саяхан бэлтгэсэн байх гэж таамаглаад байгаа юм. Мөн эхний бичлэгт Осама бин Ладены сахал ердийнхөөсөө огт өөр буйг Америкийн албаны хүмүүс анзаарч, даваа гаригт Конгрөссийн хуралдаан дээр энэ талаар ярилцжээ, "Урьдынхаасаа тэс ондоо харагдах Осамагийн сахал "Аль-Каида"-гийн гишүүдэд өгч буй ямар нэг дохио юм биш биз" гэсэн асуулт хүртэл тавигдаж. Гэвч Америкийн Үндэсний тагнуулын газрын захирал Майкл Макконнелл үүнийг няцаасан байна.