Төрийн үйлчилгээг иргэдэд ойртуулах, хялбар дөхөм болгохын тулд “Төрийн үйлчилгээний цахим машин"-ы эхний хэсгийг нийслэлд суурилуулж, ашиглалтад оруулсан билээ.

Уг төхөрөөрөмжөөс иргэд цахим үнэмлэхээ ашиглан оршин суугаа хаягийн тодорхойлолт гаргуулж, цахилгааны төлбөрөө төлж, өдөр тутмын сониноо захиалах боломжтой аж.

Мөн гэрлэлтийн бүртгэлийн, ААН-ын орлогын болон хувь хүний орлогын албан татварын гэхчлэн иргэний бүртгэлийн 6 төрлийн, Татварын ерөнхий газрын 4 төрлийн лавлагаа авч болно. Яам, агентлаг, төрийн байгууллагуудад санал хүсэлт, өргөдөл гомдлоо ч энэ машинаар дамжуулан илгээж болох юм.

Тэгвэл төрийн үйлчилгээг хөнгөвчилсөн ТҮЦ машинуудыг суурилуулсан үйлчилгээний газруудын хаягийг хүргэж байна.

1. Сонгинохайрхан дүүрэгт:
-Хөтөлийн буудал /Том мянган ХХК/
-31-р хорооны байр
-Хархорин захын ард Миний дэлгүүр
-Орбитын эцэс /Зүүн алдар ХХК, үйлчилгээний газар/

2. Баянзүрх дүүрэгт:
-Хужирбулангийн дэлгүүр үйлчилгээний газар /Эрхэм бүрд ХХК/
-Хос худалдааны төвийн 3 давхарт /Сандей плазагийн баруун талд/
-Офицер/ Цэцэн дэлгэр дэлгүүрт /Офицеруудын ордны баруун талд/
-IT парк

3. Чингэлтэй дүүрэгт:
-7 буудлын эцэс /худалдааны төв/
-Тэнгис кино театр

4. Хан-Уул дүүрэгт:
-19 үйлчилгээний төвийн супермаркет
-Чингэс хаан ОУНО-ны буудал
-Яармагийн дэнж, дэлгүүр үйлчилгээний газар /Татаал трейд ХХК/

5. Сүхбаатар дүүрэгт:
-Төв шуудан

А.Сүрэн