“TOUS les JOURS”-Тү Лэ Жүр олон улсын франчайз бейкери Монгол улсад 2016 онд анхны салбараа Сөүлийн гудамжинд нээж байсан бол өдгөө 12 дахь шинэ салбараа өлгийдөн авч, үйл ажиллагаагаа өргөжүүлсээр байна.

Хан-Уул дүүргийн “Хүннү-2222” хороололд байрлах 12 дахь шинэ салбараар бид зочиллоо. Будаг нь ханхалсан шинэ орчинд найрсаг хамт олон мэнд мэдэн биднийг угтав. Дөнгөж нээлтээ хийн хаалгаа дэлгэхтэй зэрэгцэн шинэ салбараар үйлчлүүлэх гэсэн иргэд шил дараалан зогсож харагдлаа. Түүний дотор хөөрхөн үрээ хорвоод мэндлэхийг хүлээж буй томоо гэдэстэй жирэмсэн эмэгтэй, өндөр настай эмээ, залуу хосууд гээд олон хүн оочерлон байлаа.

Амт, үнэр, шинэлэг байдлаараа хэдийнээ хэрэглэгчдийн итгэлийг хүлээсэн TOUS les JOURS бейкери-гийхан “Өдөр бүр шинэ” уриан дор ажилладаг. “TOUS les JOURS” гэдэг нь “өдөр бүр” гэсэн утгатай франц үг ажээ.

Шинэ салбараа нээсэнтэй холбоотойгоор долоо хоногийн турш урамшуулал зарласныг ЭНД дарж үзнэ үү.

TOUS LES JOURS БЕЙКЕРИГИЙН АЛЬ Ч САЛБАРААР ҮЙЛЧЛҮҮЛСЭН ТАНЫГ ЯГ ИЖИЛ САЙХАН ҮЙЛЧИЛГЭЭ, НЭГ СТАНДАРТЫН ДАГУУ ҮЙЛДВЭРЛЭСЭН БҮТЭЭГДЭХҮҮНҮҮД УГТАНА

TOUS les JOURS бейкеригийн Чанар хяналтын мэргэжилтэн М.Энхтуул “Бүх бүтээгдэхүүн стандартын дагуу хийгддэг. Стандартын дагуу ажиллах нь бидний зорилго. Манай бейкери амтат бялуу, олон төрлийн талхан бүтээгдэхүүн,  сэндвич, аяган бялуу, макарон зэрэг 300 гаруй нэр төрлийн бүтээгдэхүүнийг өдөр бүр шинэхэнээр нь үйлдвэрлэж, хэрэглэгчдийн гарт хүргэдэг. Үйлчлүүлэгчдэд олон төрөл, сонголтыг олгох нь чухал” хэмээсэн юм.

Хамар гижигдэм сайхан үнэр ханхлах нь нэг л дотно мэдрэмж төрүүлнэ. TOUS les JOURS бейкеригийн аль ч салбараар үйлчлүүлсэн таныг яг ижил сайхан үйлчилгээ, нэг стандартын дагуу үйлдвэрлэсэн бүтээгдэхүүнүүд угтана. Учир нь олон улсын франчайз бейкери учраас салбар бүртээ ижил стандартын дагуу ажиллахыг чухалчилдаг гэдгээрээ онцлогтой.

“БИД ӨДӨР БҮР ХЭРЭГЛЭГЧДЭДЭЭ ШИНЭ БҮТЭЭГДЭХҮҮН ҮЙЛДВЭРЛЭЖ ХҮРГЭХИЙГ ЭРХЭМ ЗОРИЛГОО БОЛГОН АЖИЛЛАДАГ”

TOUS les JOURS бейкеригийн Маркетингийн мэргэжилтэн А.Ундармаа шинээр үйл ажиллагаагаа нээж буй 12 дахь салбарын онцлогийн тухайд “Энэ салбар маань хороолол дунд нээгдэж буй гурав дахь салбар юм. Хайртай гэр бүлийнхэндээ зориулсан шинэ бүтээгдэхүүнийг гэрийнхээ ойроос худалдан авах боломж нээгдэж байна. Энэ салбар нь бусад салбаруудтайгаа ижил стандарттай ба том салбаруудын нэгд тооцогдож буй. Бид өдөр бүр хэрэглэгчдэдээ шинэ бүтээгдэхүүн үйлдвэрлэж хүргэхийг эрхэм зорилгоо болгон хичээнгүйлэн ажилладаг” хэмээсэн юм.

Жимстэй цай, смүүтинд жинхэнэ жимсийг орц найрлагадаа оруулдгаараа онцлогтой. Бид 100 хувийн арабика үрийн 50 хувь нь Колумб, 30 хувь нь Бразил, 20 хувь нь Этиоп үрийг хольж хуурсан кофены үрийг ашигладаг.

Үүд хаалгаа нээн үйлчлүүлэгчдээ хүлээн авч эхэлсэн TOUS les JOURS бейкеригийн “Хүннү-2222” хорооллын салбарт 14 ажилтан танд өдөр бүр шинэ бүтээгдэхүүн хүргэхээр цаг хугацаатай уралдан ажиллаж байна. Түүний нэг нь Ц.Хүслэн. Тэрээр Beverage manager буюу шингэн бүтээгдэхүүний чанар шалгагчаар ажилладаг. Нийгмийн ажилтан мэргэжилтэй хэдий ч өөрийн сонирхолдоо хөтлөгдөн TOUS les JOURS бейкеригийн анхны салбар нээгдэхээс эхлээд өнөөдрийг хүртэл хэрэглэгчдэд амттай сайхан уух зүйл хүргэхээр чармайн ажиллаж буй нэгэн юм.

Тэрээр, Үндсэн TOUS les JOURS-ийн стандартад нийт 87 уух зүйл байдаг. Энэ салбарт одоогоор 73 төрлийн уух зүйлээр хэрэглэгчдэд үйлчилж байна. Жимстэй цай, смүүтинд жинхэнэ жимсийг орц найрлагадаа оруулдгаараа онцлогтой. Бид 100 хувийн арабика үрийн 50 хувь нь Колумб, 30 хувь нь Бразил, 20 хувь нь Этиоп үрийг хольж хуурсан кофены үрийг ашигладаг. Зөөлөн, цангис жимс амтагдсан, бага зэрэг исгэлэн төрлийн амттай кофе нь TOUS les JOURS-ийн талхан бүтээгдэхүүн, бялуу, дессерт зэрэгт төгс зохицдог хэмээсэн юм.

Мөн Ц.Хүслэн Аливаа уух зүйлийг нэг удаагийн аяганд авч явахад цаасан аяга, таг, соруул зэрэг дараа нь хаягдал болох олон зүйл дагалддаг. Тиймээс үйлчлүүлэгчид өөрсдийн аягатайгаа ирж уух зүйлээ авбал байгальд ээлтэй сонголт болохыг тодотгон хэлсэн юм.

Хан-Уул дүүргийн “Хүннү-2222” хороололд байрлах шинэ салбар нь зам дагуу байрлалтай учраас хэрэглэгчдэд ойр. Та хажуугаар нь өнгөрөхдөө халуун кофегоо дуртай амттантайгаа аваад гараарай. Халуун дулаан уур амьсгал, хамар баярлуулам сайхан үнэр, шинэхэн үйлдвэрлэгдсэн бүтээгдэхүүнүүд таныг угтах болно.

Одоогоор цар тахлын улмаас тус салбар 08:00-20:00 цаг хүртэл ажиллаж байгааг дуулгая. Өдөр бүр шинэхэн бүтээгдэхүүнээр хэрэглэгчдийг дайлдаг TOUS les JOURS бейкеригийн хамт олонд баярлалаа.

Гэрэл зургийг: Д.Жавхлантөгс