Жил бүрийн 10-р сарын 31-нд Halloween буюу сүнсний баярыг дэлхий даяараа тэмдэглэн өнгөрүүлдэг билээ. Тиймээс сүнсний баяр дөхөж буйтай холбогдуулан та бүхэнд энэхүү өдрийн тухай сонирхолтой түүх, ёс заншил болон бяцхан сүнснүүдэд өгөх бэлэгний санаануудыг хуваалцаж байна. 

Сүнсний баяр нь 2000 гаруй жилийн өмнөөс үүссэн бөгөөд эртний Кельтүүдийн зан үйлтэй холбоотой юм. Эртний Кельтүүд өвөл эхлэхийн өмнө элдэв муу ёрын сүнс, буг чөтгөрүүд гарч ирдэг гэж итгэн, тэнүүлч сүнснүүдийг зайлуулахын тулд аравдугаар сарын 31-нд галын наадам хийж, элдэв баг, зүүсгэл өмсөн “Samhain” гэх ёслол үйлддэг байжээ.

Сүнсний баярын гол онцлог нь дэлхийгээр нэг хэрэн тэнүүчилж буй сүнснүүдийг хооллож, чанга дуу чимээ, хурц галаар хөөн явуулах юм. Ингэхдээ энгийн хүмүүс сүнсэнд танигдахгүйн тулд янз бүрийн хувцас, аймшгийн баг хэрэгсэл зүүн зүсээ хувилгадаг байна. “Halloween”-ий баяраар гэрэл гэгээ харанхуйг ялна гэсэн утгаар хар болон улбар шар өнгийн хослолыг бэлгэ тэмдгээ болгодог аж. Энэ үеэр Америк, Лондон зэрэг орнуудад зочилбол цонхоо дээр үеийн маягаар засан чимэглэж, дээр нь маш олон лаа асааж тавьсан айлуудыг хаанаас ч харж болно. Мөн дэнлүү хийж, чимэглэсэн том жижиг хулуунуудыг хаа сайгүй өлгөсөн байхаас гадна хамгийн том хулуу тарьсан хүмүүсийг уралдуулан шагнадаг уламжлалтай.

Яагаад сүнсний баяраар хулуун дэнлүү “мода”-нд ордог вэ?

Эртнээс ашиглаж ирсэн гол уламжлалуудын нэг бол “Jack O’Lantern” буюу хулуун дэнлүүнүүд юм.

Хулуун дэнлүү нь буг чөтгөрийн муу илчийг хөөн зайлуулдаг гэж үздэг байна. Үүний талаар улс орон бүрд янз бүрийн домог яриа байдаг ч хамгийн түгээмэл нь чөтгөрийг хэдэнтээ хуурсан овжин Жэкийн талаарх домог юм. Тэрбээр там эсвэл диваажингийн алинд ч амьдрах эрхгүй хүн байсан гэх бөгөөд дэлхийгээр хэрэн хэсүүчлэх шийтгэл хүлээж элдвийн муу бүхнийг замаасаа зайлуулахын тулд дэнлүүгээрээ даллаж явах болсон гэдэг. Түүний дэнлүүнээс чөтгөрүүд айн зугтдаг байжээ. Ийн хулуун дэнлүүг түүний нэрээр нэрлэх болжээ.

Хуурах уу, Дайлах уу?

Жил бүрийн аравдугаар сарын 31-ний орой барууны ихэнх оронд янз бүрийн бяцхан чөтгөр, шуламсын дүрд хувирсан хүүхдүүд гартаа уут бариад хөрш зэргэлдээх айлуудаараа хэснэ. Тэд хаалга онгойнгуут уутныхаа амыг нээж “Trick or treat” буюу “хуурах уу, дайлах уу” гэж асуудаг. Ингэхэд гэрийн эзэн уутанд нь амттан юм уу, цаасанд боосон чулуу хийнэ. Энэ заншил нь хүүхдүүдийг баярлуулахгүй бол муу юм болно гэсэн мухар сүсгээс үүдэлтэй ч, одоо үед үүнийг хүүхдүүдийг баярлуулах сайхан завшаан хэмээн үзэх болжээ.

Харин та Halloween-ий баяраар хүүхдүүдэд өгөх амттангаа бэлдсэн үү?

Годива брэндийн салбаруудаар “Halloween”-ий баярыг тохиолдуулан жил бүр гаргадаг чихрэн савалгаатай шоколаднуудаа худалдаанд гаргажээ. Halloween chocolate Cat box буюу Мууран хэлбэрийн савалгаатай нь дотроо шоколадтай үрэл болон зөөлөн нухаштай чихрэн шоколадтай багц, харин Halloween Pumping G cube буюу Хулууны хэлбэрийн савалгаатай нь дотроо 18 ширхэгтэй зөөлөн нухаш, жимсний хольцтой чихрэн шоколад юм. Мөн Halloween-ий баярыг угтан бусад шоколаднууддаа урамшуулал зарласан байгааг дуулгахад таатай байна.

Энэ жилийн Halloween-ий баяраар танай хаалгыг сүнс, чөтгөрийн дүрд хувилсан бяцхан хүүхдүүд тогшиж магадгүй тул тэднийг баярлуулах баярын амттангаа заавал бэлтгээрэй гэж зөвлөж байна.

Салбар 1: Шангри-ла моллын 1 давхарт
Утас: 7555-6655

Салбар 2: Их дэлгүүрийн 1 давхарт
Утас: 7510-7570

https://www.facebook.com/GodivaMongolia/