БОАЖЯ-наас Улсын тусгай хамгаалалттай газар нутгийн горим дэглэмийг ангилал бүрээр танилцуулж буй юм. Энэ удаа байгалийн нөөц газрын талаар танилцуулж байна.

Байгалийн тодорхой хэв шинж, аль нэгэн нөөц, баялгийг хамгаалах, хадгалах, нөхөн сэргээх нөхцөлийг бүрдүүлэх зорилгоор улсын тусгай хамгаалалтад авсан газар нутгийг байгалийн нөөц газар гэнэ.

48 байршлын Байгалийн нөөц газар байх бөгөөд:

• Байгалийн унаган төрх, хэв шинжийг хадгалах зорилго бүхий БАЙГАЛИЙН ИЖ БҮРДЛИЙН НӨӨЦ ГАЗАР
• Ховор, ховордсон ургамал, амьтныг хамгаалах тэдгээрийн нөхөн үржих нөхцөлийг бүрдүүлэх зорилго бүхий БИОЛОГИЙН НӨӨЦ ГАЗАР
• Эртний амьтан ургамлын ховор олдворыг байгалийн байдлаар нь хадгалах зорилго бүхий БАЙГАЛИЙН ТҮҮХЭН ОЛДВОРЫН НӨӨЦ ГАЗАР
• Газрын өвөрмөц тогтоц тэдгээрийн бүтцийг байгалийн байдлаар нь хадгалах бүхий ГЕОЛОГИЙН НӨӨЦ ГАЗАР
• Мөрөн, гол усны эх үүсвэрийг хамгаалах зорилго бүхий УСНЫ НӨӨЦ ГАЗАР гэж ангилна.

БАЙГАЛИЙН НӨӨЦ ГАЗАРТ АНХААРАХ ЗҮЙЛ

Байгалийн нөөц газарт хамгаалалтад авсан байгалийн хэв шинж, тодорхой баялгийн төрх байдал, ургамал, амьтны аймгийн байршил, өсөлт, үржилтэд сөрөг нөлөөгүйгээр уламжлалт аж ахуй эрхэлж болно.

БАЙГАЛИЙН НӨӨЦ ГАЗАРТ ХОРИГЛОХ ҮЙЛ АЖИЛЛАГАА

Байгалийн нөөц газарт түүний байгаль орчинд сөрөг нөлөө үзүүлж болзошгүй барилга байгууламж барих, үйлдвэрийн зориулалтаар газар ухах, тэсэлгээ хийх. Ашигт малтмал хайх, олборлох. Ан амьтан агнах барих. Мод, зэгс, шагшуурга бэлтгэх зэргээр байгалийн унаган төрхийг өөрчлөх голын усыг бохирдуулах аливаа үйл ажиллагаа явуулахыг хориглоно.

Гэрэл зургийг: Б.Баяр
Эх сурвалж: БОАЖЯ