Завхан аймаг дахь Цагдаагийн газрын дарга, хурандаа С.Цэрэнсамбуу тус аймгийн Улиастай сум, сумдын нутгаас гарах бүх замын хөдөлгөөнийг хаах тушаал гаргажээ.

Тодруулбал, Байгаль цаг уурын аюултай үзэгдлээс шалтгаалан зам даваа хаагдаж, орон нутгийн зам, замын байгууламжаар зорчих боломжгүй аюултай байдал үүссэн тул Улиастай сум, бусад сумдын нутаг дэвсгэрээс гарах орон нутгийн болон улсын чанартай авто замын хөдөлгөөнийг өнөөдөр буюу арванхоёрдугаар сарын 1-ний өдрийн 12:00 цагаас эхлэн байгалийн аюултай үзэгдэл намдах хүртэл түр хугацаагаар хаахаар боллоо.