УИХ-ын гишүүн,  ИЗНН-ын дарга Б.Батбаатар Байгаль орчин, уур амьсгалын өөрчлөлтийн яамыг удирдах боллоо. Түүнээс УИХ-ын гишүүн Л.Мөнхбаясгалан асуулт асууж, Хэрлэн-Тооно гэх мэт говийг усжуулах төслийг дэмжих, эсэхийг тодруулав. 

УИХ-ын гишүүн М.Нарантуяа Нара "Намын дарга Б.Батбаатар олон жилийн турш энэ намыг удирдаж, өнөөдөртэй золгуулсан тул энэ яамыг удирдах нь зөв. Би энэ томилгоог дэмжиж байна. Гэхдээ ИЗНН хүний нөөц цөөнтэй нам тул би санаа зовж байна. Ирэх онд манай улс НҮБ-ын цөлжилтийн эсрэг томоохон хурлыг эх орондоо зохион байгуулах үүрэг хүлээсэн. Энэ хурлын бэлтгэл ажлыг хийх гэх мэт олон чухал ажил бий" гэв.         

УИХ-ын гишүүн,  ИЗНН-ын дарга Б.Батбаатарын намтар

ТӨГССӨН СУРГУУЛЬ, МЭРГЭЖИЛ
1991 онд Улаанбаатар хот, 10 жилийн 47-р дунд сургууль
1999 онд МУИС-ийн Эдийн Засгийн Их Сургууль, эдийн засагч бакалавр
2000 онд МУИС-ийн Эдийн Засгийн Их Сургууль, магистр
2002 онд МУИС-ийн Хууль Зүйн Сургууль, Эрх зүйч бакалавр

АЖИЛЛАСАН БАЙДАЛ
2003-2013 онд Улаанбаатар хот, Чингэлтэй дүүргийн Ардчилсан намын дарга
2004-2008 онд УИХ-ын гишүүн, Нийгмийн бодлого боловсрол, соёл шинжлэх ухааны байнгын хороо, Хууль зүйн байнгын хороо, Аюулгүй байдал гадаад бодлогын байнгын хороо, Хүний эрхийн дэд хороо
2012-2016 онд УБ хот Чингэлтэй дүүргийн Иргэдийн төлөөлөгчдийн хурал, төсвийн хяналтын хорооны дарга
2015-2016 онд Ерөнхий сайдын орон тооны зөвлөх
2024 оноос Монгол Улсын Их Хурлын гишүүн

ШАГНАЛ Алтангадас одон
Хөдөлмөрийн гавьяаны улаан тугийн одон
ЦАХИМ ШУУДАН batbaatar.b@parliament.mn
УТАСНЫ ДУГААР 51-262703
ӨРӨӨНИЙ ДУГААР 163