Эдийн засгийн бодлого, өрсөлдөх чадварын судалгааны төвөөс дэлхийн өрсөлдөх чадварын жилийн тайлан, Монгол Улсын 2025 оны өрсөлдөх чадварын үр дүнг танилцуулж байна. 

 1989 оноос хойш жил тутам тасралтгүй гар буй "Дэлхийн өрсөлдөх чадварын жилийн тайлан" нь 69 улсын өрсөлдөх чадварыг 

• Эдийн засгийн тамир тэнхээ
• Засаглалын үр ашиг
• Бизнесийн байгууллагын ашигт ажиллагаа
• Дэд бүтэц гэсэн үндсэн 4 хүчин зүйл, 20 дэд бүлэг, нийт 335 шалгуур үзүүлэлтээр харьцуулан хэмжсэн, дэлгэрэнгүй судалгаа юм.

Өрсөлдөх чадварын үр дүнгээр Монгол улс нийт 69 улсаас 65-р байрт оржээ. Нийт 100 оноо авахаас 40,91 оноо авсан байна. Бидний ард Турк, Нигер, Намибиа, Венесуэл зэрэг улсууд сүүл мушгижээ.  Монгол Улсын хувьд энэ нь өмнөх оноос 5,39 оноогоор буурч 4 эрэмбэ ухарсан үзүүлэлт болов. Өмнөх жилүүдийн судалгаанд Аргентин, Бразил, Перу, Гана зэрэг улсууд Монгол улсын хойно байсан бол энэ жилийн тайланд Монгол улсын урдуур эрэмбэлэгджээ. 

Дэлгэрэнгүйг дараах видеоноос хүлээн авна уу. 

Монгол улсын сул талтай үзүүлэлтүүд:

• Экспортын төвлөрөл 69-р байр
• Эдийн засгийн сөрөн тэсвэрлэх чадвар 68-р байр
• Төрийн өмчит ААН 69-р байр
• Гадаадын хөрөнгө оруулагчид 67-р байр
• Хувь нийлүүлэгчийн эрх 69-р байр
• Ажилах хүчний бүтээмж 68-р байр
• Төр, хувийн хэвшлийн түншлэл 69-р байр
• Амьдралын чанар 68-р байр

Давуу талтай үзүүлэлтүүд:

• Эдийн засгийн өсөлт 7-р байр
• Урт хугацааны ажилгүйдэл 1-р байр
• Чөлөөт сонголтын зарчмаар сонгогдсон ЗГ 1-р байр
• Улсын төсвийн ашиг, алдагдал 9-р байр
• Удирдах албан тушаалтай эмэгтэйчүүд 4-р байр
• Санхүүгийн үйлчилгээний хүртээмж 22-р байр
• Харилцаа холбооны салбарт хийсэн хөрөнгө оруулалт 5-р байр
• Боловсролын зэрэгтэй эмэгтэйчүүд 26-р байр

Монгол Улсад тулгарч болох сорилтууд /2025 он/:

• Уул уурхай болон түүхий эдийн үнийн хэлбэлзэлд хэт өртөмтгий байх
• Дотоодын мөнгөний бодлогын тэлэлт болон дэлхийн худалдааны дайнаас үүдэлтэй инфляцын дарамт
• Татварын ачаалал болон төрийн хэт оролцооноос болж бизнесийн орчин муудах эрсдэл
• Боловсролтой, чадварлаг залуус гадагш дүрвэн, дотоодын зах зээлийн чадварлаг мэргэжилтний хомсдолд орох
• Уур амьсгалын өөрчлөлт өртөмтгий болох