Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмын хүчит бөхийн барилдааны дөрвийн даваа эхэллээ. 

Дөрвийн даваанд:

• Дархан аварга Н.Батсуурь Говь-Алтай аймгийн Төгрөг сумын харьяат Аймгийн харцага Г.Гантулга
• Улсын аварга П.Бүрэнтөгс Цэргийн заан Ө.Батсуурь
• Улсын аварга О.Хангай Сүхбаатар аймгийн Уулбаян сумын харьяат Аймгийн харцага Б.Бадамдорж
• Улсын аварга С.Мөнхбат Хэнтий аймгийн Баян-Адарга сумын харьяат Аймгийн арслан Н.Баяржаргалтай оноолт таарлаа.

Улсын аварга П.Бүрэнтөгс, О.Хангай, Дархан аварга Н.Батсуурь нар дөрөв давлаа. Улсын арслан Ц.Бямба-Отгон Архангай аймгийн Хайрхан сумын харьяат Аймгийн арслан О.Баярбаасанд өвдөг шороодлоо. Улсын аварга С.Мөнхбат Аймгийн арслан Н.Баяржаргалд өвдөг шороодлоо. 

Ховд аймгийн Зэрэг сумын харьяат, Улсын заан Б.Бат-Өлзий Ховд аймгийн Мөст сумын харьяат Аймгийн арслан Төмөрцоожоор, Дорнод аймгийн Дашбалбар сумын харьяат Улсын заан Д.Анар Увс аймгийн Түргэн сумын харьяат Аймгийн арслан Б.Нямсамбуугаар давлаа. Улсын арслан Б.Орхонбаяр Хөвсгөл аймгийн Их-Уул сумын харьяат Аймгийн арслан П.Хүрэлбаатарыг давав.

Архангай аймгийн Эрдэнэбулган сумын харьяат Улсын арслан Р.Пүрэвдагва Дорнод аймгийн Баян-Уул сумын харьяат Аймгийн арслан М.Бэлгүтэйд өвдөг шороодлоо.