“Харанга” хамтлагийн 30 жилийн ойн “Харанга 30 жил- Замд гаръя” тоглолт долоо хоногийн дараа буюу аравдугаар сарын 19-ний бямба гарагт “Буянт-Ухаа” спорт цогцолборт ганцхан удаа болно. Монголын рок, попын домог “Харанга”-ын ойн тоглолтод рок, попын үе үеийн уран бүтээлчид ая дуугаа өргөх юм.

Хамтлагийн гишүүн, Урлагийн гавьяат зүтгэлтэн, хөгжмийн зохиолч Ц.Чулуунбат “Миний аав” хэмээх шинэхэн уран бүтээлээ сонсогч, фэнүүддээ өргөн барилаа. Миний аав дууны үгийг Б.Наранбаатар, Б.Манлай нар зохиосон аяыг хөгжмийн зохиолч Ц.Чулуунбат зохиож, дуулжээ. Дууных нь клипийг “Skin entertainment” студи бүтээсэн байна. 

Шинэ уран бүтээлээ тэрбээр Монголын бүх аавууддаа зориулжээ.