АНУ-ын Сансрын цэргийн хүчнийхэн Хятадын станцаас өнгөрсөн долоо хоногт тойрог замд гаргасан CZ-5B пуужинг хаана унахыг анхааралтай ажиглаж байна гэж мэдэгджээ. Энэхүү пуужин нь өнгөрсөн пүрэв гарагт  тойрог замд нисгэгчгүй модуль тавьсан юм. Энэхүү модуль нь БНХАУ 2022 онд барьж дуусгах сансрын станцад амьдрах гурван гишүүний орон байр болох юм байна.

Пуужингийн хэлтэрхий одоогоор хаана унахыг тооцоолох боломжгүй байна гэж Пентагоны хэвлэлийн төлөөлөгч Жон Кирби мэдэгджээ.  Тэрбээр "АНУ-ын Сансрын цэргийн хүчин анхааралтай ажиглаж байна" гэв. Харин хаана унах болон АНУ ямар хариу үйлдэл үзүүлэх вэ гэх асуултад Кирби "Энэ талаар ярих эрт байна" хэмээн хариулсан байна. 

Пуужин тавдугаар сарын 8-ны өдөр агаар мандалд орж ирэх болов уу гэсэн таамаглал байгаа гэнэ. Уг объектын хуурай жин нь 18 тонн бөгөөд одоогоор тойрог замаас ямар нэг удирдлагагүйгээр ирж яваа аж. Пуужингийн нэг хэсэг нь агаар мандлын нягт давхаргад шатаж, шатамхай бус бүтцийн элементүүд дэлхийн гадаргуун дээр унах юм байна.

Эх сурвалж: ТАСС