Хардаг, сонсдог, мэдэрдэг МЭДЛЭГ бүхий интерактив хичээлийн шинэлэг контентуудыг econtent.edu.mn сайтад байршуулаад байна.

econtent.edu.mn сайтад хандах, аппликэйшн ашиглахад Монголын үүрэн холбооны бүх операторын сүлжээнээс YНЭ ТӨЛБӨРГҮЙ юм.

Та бүхэн цахим контентийн нээлттэй сангаас:

• Сургуулийн өмнөх боловсрол
• Ерөнхий боловсрол
• Тусгай хэрэгцээт боловсрол 
• Насан туршийн боловсрол
• Гэр бүлийн боловсролын хөтөлбөрийн дагуу бэлтгэгдсэн цахим контентуудыг үзэж, суралцаарай. 

Мөн ухаалаг утас, таблет дээрээ доорх холбоосоор econtent аппликейшн татан авч ашиглах боломжтой. 

App Store: https://apps.apple.com/us/app/e-content/id1454356606
Play Store: https://play.google.com/store/apps/details?id=esis.econtent

Цахим орчинд хүүхдүүдийн мэдлэг авахуйц шинэлэг контент болох интерактив хичээлүүдийг econtent.edu.mn сайтаас Монгол Казах, Тува, дохионы хэлтэйгээр хүлээн авах боломжтой. 

Монгол Улсын Засгийн газрын дэмжлэг, Боловсрол, шинжлэх ухааны яамны захиалга, “КОВИД-19 цар тахлын хүрээнд боловсролын салбарын суурь үйлчилгээг дэмжих" НҮБ-ын нэгдсэн төсөл болон Япон Улсын Засгийн газрын санхүүжилтээр хэрэгжиж буй сургуулийн өмнөх болон ерөнхий боловсролын сургалтын хүрээнд хүүхдийн нас, сэтгэл зүйн хөгжлийн онцлогт нийцүүлэн тэдний оролцоог дэмжсэн, сонирхолтой, интерактив байдлаар хүргэх 104 жишиг контент бүтээхэд БМДИ-ийн мэргэжлийн баг, багш нарын боловсруулсан агуулгыг "Монгол Контент" ХХК НҮБ-ын Хүүхдийн Сан, НҮБ-ын Хүн Амын Сан болон НҮБ-ын Боловсрол, Шинжлэх Ухаан, Соёлын Байгууллагын боловсролын багийн оролцоотойгоор бэлтгэлээ. 

Энэхүү хамтарсан хөтөлбөр нь Нидерландын Вант Улс, Данийн вант Улс, Швейцарын Холбооны Улс, Норвегийн Вант Улс, Шведийн Вант Улс, Бүгд Найрамдах Солонгос Улс, Бүгд Найрамдах Финланд Улс, Шинэ Зеланд Улс, Хорватын Бүгд Найрамдах Улс, Бүгд Найрамдах Исланд Улс, Тайландын Хаант Улс, Бүгд Найрамдах Словак Улс, Камбожийн Вант Улсын Засгийн газруудаас НҮБ-ын Хариу арга хэмжээ, Нөхөн сэргээх санд оруулсан хандивын дэмжлэгтэйгээр хэрэгжсэн болно.