Хэнтий аймгийн Бэрхийн уурхайд ажиллаж байгаад үйлдвэрлэлийн осолд орж, мэргэжлээс шалтгаалах өвчний улмаас нас барсан, хөдөлмөрийн чадвараа алдсан 112 уурхайчны ар гэрийнхэн гурван шатны шүүхийн шийдвэрийг хэрэгжүүлэхийг УИХ-аас шаардаж мэдээлэл хийж байна. 



Цэцэгмаа, Миний нөхөр Даваадорж Бэрхийн уурхайд өрөмдөгч, тэсэлгээчин гээд уурхайн бүхий л хүнд ажлыг хийж байсан. Мэргэжлийн өвчний улмаас 70 хувийн хөдөлмөрийн чадвар алдсан. Гэвч нөхөн төлбөр олгох шийдвэр шүүхээс гарсан ч шүүхийн шийдвэрийг биелүүлэхгүй байна. 

Алтанцэцэг, Би 1990 онд Бэрхийн уурхайд Химийн лабораторид ажиллаж байгаад үйлдвэрлэлийн осолд орсон. Хөдөлмөрийн чадвараа 65 хувь  алдаж, группт орсон. Нөхөн олговор авахаар хөөцөлдөж  15 жил яваад өнөөг хүртэл  бүтээгүй байна.