Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
62
“Монголын хөрөнгийн бирж” ХК-ийн Гүйцэтгэх захирал Х.Алтай үүрэгт ажлаас чөлөөлөгдөх хүсэлтээ Төлөөлөн удирдах зөвлөлдөө гаргасны дагуу Төлөөлөн удирдах зөвлөлийн 2023 оны 12 дугаар сарын 27-ны өдөр үүрэгт ажлаас нь чөлөөлсөн билээ. Тэрбээр “Монголын хөрөнгийн бирж” ХК-ийн Гүйцэтгэх захирлаар 2016-2023 онд ажилласан юм.
Тус компанийн захирлын сонгон шалгаруулалтын дүн гарах хүртэл компанийн гүйцэтгэх удирдлагын ажил үүргийг тасалдуулахгүйн тулд өнөөдөр /2024-01-02/ Төлөөлөн удирдах зөвлөлөөс Гүйцэтгэх захирлын үүргийг түр орлон гүйцэтгэгчээр Ж.Цогтбаярыг томилсон байна.
Х.Алтай, Шинэ он гарч шинэ амьдрал эхэллээ. Нэлээд хэдэн жил Хөрөнгийн биржийг удирдаж, санаж бодож явсан олон ч зүйлийг ажил хэрэг болгож, бодит үр дүн гаргажээ. Бирж гэдэг байгууллага зах зээлийн оролцогчид, зохицуулагч байгууллага, хувьцаат компаниуд, холбогдох төрийн байгууллагууд, хувьцаат компани болоход итгэж хөрөнгөө оруулсан олон мянган хувьцаа эзэмшигчид, уул уурхайн компаниуд, уул уурхайн бүтээгдэхүүн худалдан авагчид зэрэг маш олон хүмүүс, байгууллагуудтай нягт хамтран ажиллаж, уялдааг нь хангадаг. Тэдэнтэйгээ ч хамтран сайхан ажилласан.
Одоо хөрөнгийн зах зээл шинэ шатанд гарч, ДНБ-ий 20 орчим хувьтай тэнцэх зах зээлийн үнэлгээтэй компаниуд бирж дээр бүртгэлтэй байна. 2017-2023 онуудад бирж дээр 60 шинэ бүтээгдэхүүн гарч, тэдний дотор Бирж өөрөө хувьцаат компани болсон. Мөн зах зээл маань олон улсын зэрэглэл тогтоогч байгууллагын зэрэглэлтэй болов.
Компанийн бондын зах зээл идэвхжиж, ХБҮЦ гэдэг шинэ бүтээгдэхүүн хэдийнээ үнэт цаас гаргагчдын болон хөрөнгө оруулагчдын сонирхлыг татсан бүтээгдэхүүн болж чаджээ. Хөрөнгийн бирж зөвхөн үнэт цаас биш мөн уул уурхайн бүтээгдэхүүн арилжаалдаг болсон. Энэ нь Монголын түүхий эдийн экспортыг тунгалаг болгож, дотоод руу урсах валютын урсгалд маш том эерэг нөлөө үзүүлсэн. Энэ бүх ололт амжилтууд биржийн маань хамт олон, зах зээлийн нийт оролцогчид, зохицуулагч зэрэг маш олон байгууллага, хүмүүсийн хамтын ажиллагааны үр дүн билээ. Та бүхэндээ болон дэмжиж ирсэн бүх хүмүүс, байгууллагуудад баярлалаа гэж өнөөдөр цахим хуудаснаа бичжээ.
“Монголын хөрөнгийн бирж” ХК-ийн Гүйцэтгэх захирал Х.Алтай үүрэгт ажлаас чөлөөлөгдөх хүсэлтээ Төлөөлөн удирдах зөвлөлдөө гаргасны дагуу Төлөөлөн удирдах зөвлөлийн 2023 оны 12 дугаар сарын 27-ны өдөр үүрэгт ажлаас нь чөлөөлсөн билээ. Тэрбээр “Монголын хөрөнгийн бирж” ХК-ийн Гүйцэтгэх захирлаар 2016-2023 онд ажилласан юм.
Тус компанийн захирлын сонгон шалгаруулалтын дүн гарах хүртэл компанийн гүйцэтгэх удирдлагын ажил үүргийг тасалдуулахгүйн тулд өнөөдөр /2024-01-02/ Төлөөлөн удирдах зөвлөлөөс Гүйцэтгэх захирлын үүргийг түр орлон гүйцэтгэгчээр Ж.Цогтбаярыг томилсон байна.
Х.Алтай, Шинэ он гарч шинэ амьдрал эхэллээ. Нэлээд хэдэн жил Хөрөнгийн биржийг удирдаж, санаж бодож явсан олон ч зүйлийг ажил хэрэг болгож, бодит үр дүн гаргажээ. Бирж гэдэг байгууллага зах зээлийн оролцогчид, зохицуулагч байгууллага, хувьцаат компаниуд, холбогдох төрийн байгууллагууд, хувьцаат компани болоход итгэж хөрөнгөө оруулсан олон мянган хувьцаа эзэмшигчид, уул уурхайн компаниуд, уул уурхайн бүтээгдэхүүн худалдан авагчид зэрэг маш олон хүмүүс, байгууллагуудтай нягт хамтран ажиллаж, уялдааг нь хангадаг. Тэдэнтэйгээ ч хамтран сайхан ажилласан.
Одоо хөрөнгийн зах зээл шинэ шатанд гарч, ДНБ-ий 20 орчим хувьтай тэнцэх зах зээлийн үнэлгээтэй компаниуд бирж дээр бүртгэлтэй байна. 2017-2023 онуудад бирж дээр 60 шинэ бүтээгдэхүүн гарч, тэдний дотор Бирж өөрөө хувьцаат компани болсон. Мөн зах зээл маань олон улсын зэрэглэл тогтоогч байгууллагын зэрэглэлтэй болов.
Компанийн бондын зах зээл идэвхжиж, ХБҮЦ гэдэг шинэ бүтээгдэхүүн хэдийнээ үнэт цаас гаргагчдын болон хөрөнгө оруулагчдын сонирхлыг татсан бүтээгдэхүүн болж чаджээ. Хөрөнгийн бирж зөвхөн үнэт цаас биш мөн уул уурхайн бүтээгдэхүүн арилжаалдаг болсон. Энэ нь Монголын түүхий эдийн экспортыг тунгалаг болгож, дотоод руу урсах валютын урсгалд маш том эерэг нөлөө үзүүлсэн. Энэ бүх ололт амжилтууд биржийн маань хамт олон, зах зээлийн нийт оролцогчид, зохицуулагч зэрэг маш олон байгууллага, хүмүүсийн хамтын ажиллагааны үр дүн билээ. Та бүхэндээ болон дэмжиж ирсэн бүх хүмүүс, байгууллагуудад баярлалаа гэж өнөөдөр цахим хуудаснаа бичжээ.