1970-1980-аад оны залуусыг байлдан дагуулж байсан дуучин бол Б.Баяраа. Түүний дуулсан олон сайхан дуу өдгөөг хүртэл хүмүүсийн аялах дуртай дуу байж, ард түмний зүрх сэтгэлд эгшиглэн Б.Баяраа агсныг сануулсаар байдаг.

Түүний хүү Хонгор ч аавынхаа шийрийг хатаах сайн дуучин болно гэж ард түмэн их итгэл хүлээлгэдэг. Гэхдээ нэг л сайн урагшлахгүй байгаа дуучин Хонгор саяхан нэгэн бөө дээр очиж, зам мөрөө асуужээ. Бөө нь онгод сахиусаа дуудаж, бөөлж байснаа онгод нь буув бололтой, тайвширч. Гэтэл тэр бөө дуучин Б.Баяраа агсны хоолойгоор ярьж эхэлж.

Үүнийг талийгаачийн сүнс бууж ирэн тэр хүнээр дамжуулж үгээ хэлж байна гэж бөө нар тайлбарладаг. Тэрбээр дуучин Хонгорыг цаашдаа дуугаа дуул гэж зөвлөсөн байна. Хонгор ээжтэйгээ хамт очсон бөгөөд Баяраагийн хоолойгоор ярьсан бөө урьдны зүйлээ жишээ татан ярьж Хонгорын ээжийг зэмлэсэн гэнэ.

Үнэхээр дуучин Баяраа агсны сүнс бууж ирсэн эсэхийг мэдэхгүй ч, ийм явдал болсон нь баттай үнэн аж.