Үрийн зулай үнэрлэн уран бүтээлээсээ түр холдоод байсан дуучин Б.Номин-Эрдэнэ шинэ цомгоо гаргах гэж байна. Тэрбээр шинэ цомгоо удаан хугацаанд бэлдсэн болохоор нэлээд чанартай уран бүтээл болно хэмээн ярьж байсан.

Түүний цомогт орж буй дуунуудын эхнийх нь шинэ жилийн тухай байх бөгөөд удахгүй клипний хамт үзэгчдийн хүртээл болох ажээ. Харин бусад дуу нь R&B, Soul стилийг гаргасан байхаас гадна дуучин бүсгүй тэдгээр дуунуудаа өвөрмөц байдлаар дуулж үзэгчдэд хүргэх юм байна. Түүний цомог ирэх онд фенүүдийнх нь гарт очно.