Кристиану Роналду Олон Улсын Мэргэжлийн Хөл бөмбөгчдийн холбооны оны шилдэг хөл бөмбөгчнөөр тодорлоо. 23 настай португал тоглогч өнгөрсөн улиралд 42 бөмбөг өрсөлдөгч багийнхаа хаалганд хийж, Манчестер Юнайтед клубын хамтаар Аваргуудын Лиг болон Английн “Премьер Лиг”-ийн аварга болсон билээ.

Шагнал авахдаа үедээ тэрбээр "Дэлхий даяар хөлбөмбөг тоглож байгаа 50.000 орчим тоглогчдоос би шилдгээр шалгарсандаа их баяртай байна. “Манчестер Юнайтед” болон шигшээ багийн хамт олон, дасгалжуулагч, бүх хүнд талархлаа илэрхийлье. Мөн гэр бүл, найз нөхөддөө баярлалаа” гэсэн юм.

Мэргэжлийн Хөлбөмбөгчдийн холбооны оны шилдэг шигшээ баг:
-Хаалгач: Икер Касияас (Реал Мадрид)
-Хамгаалагч: Сержио Рамос (Реал Мадрид), Жон Терри (Челсиа), Рио Фердинанд (Манчестер Юнайтед), Карлес Пуюол (Барселона)
-Хагас хамгаалагч: Стевен Жеррард (Ливерпүүл), Кака (AC Милан), Шави ((Барселона)
-Довтлогч: Лионел Месси (Барселона), Фернандо Торрес (Ливерпүүл), Кристиану Роналду (Манчестер Юнайтед) нар тус тус шалгарлаа.

Н.Бат-Эрдэнэ