Цахим хөгжил, инновац, харилцаа холбооны сайд Ц.Баатархүү, УИХ-ын гишүүн, Аж үйлдвэр, эрдэс баялгийн сайд Ц.Туваан болон УИХ-ын гишүүд С.Эрдэнэболд, Ж.Батжаргал, Д.Батбаяр нарын хамт өнгөрсөн амралтын өдрүүдэд Төв аймагт ажиллалаа. 

Монгол Улсын их Хурлаас шинэ Зуунмод хотыг “Хүннү хот” болгон хөгжүүлэхээр төлөвлөж буй. Тус хотод хиймэл оюуны олон улсын дата төвийг байгуулахаар төлөвлөж байгаа төдийгүй Ази тивийн “Цахиурын хөндий” болгон хөгжүүлэх томоохон санаачилгын эхлэл болгож, ЦХИХХ-ны сайд Ц.Баатархүү Төв аймгийн бүх суманд төрийн үйлчилгээний КИОСК машиныг хүлээлгэн өгчээ.

Өмнө нь аймгийн хэмжээнд ердөө хоёр ширхэг КИОСК машинтай байсан бол одоо сум бүр төрийн цахим үйлчилгээний киоск машинтай болж, орон нутгийн иргэдэд төрийн үйлчилгээг улам ойртуулж байна.

Түүнчлэн Боловсролын яамны судалгаанд үндэслэн алслагдсан, интернэтийн хүртээмж муу 10 сургуульд Старлинк төхөөрөмжийг хүлээлгэн өгөв. 

Цаашид Цахим хөгжил, инновац, харилцаа холбооны яам Монгол орны алслагдсан бүх сумд сүлжээ оруулах ажлыг үе шаттай хэрэгжүүлж байна.