УИХ-ын чуулганы нэгдсэн хуралдаан үргэлжилж байна.      

УИХ-ын гишүүн Ц.Идэрбат "Амралтын өдөр АИ-92 шатахууны үнийг 200 төгрөгөөр нэмлээ. Үүнийг дагаад өргөн хэрэглээний барааны үнэ өсвөл хэцүү. Чоно борооноор гэдэг нь болов уу? эсвэл үнэхээр үнээ нэмэх үндэслэл бүрдсэн үү?" гэж асуув.
 
АМГТГ-ын  Газрын тосны хэрэгжилтийн бодлого зохицуулалтыг хангах хэлтсийн дарга Ч.Хишигдалай дараах хариултыг өгөв.

-Нийт шатахууны хэрэглээний 35 хувийг АИ92 эзэлдэг. 2022 онд шатахууны үнэ хүрч огцом өссөн. Иймд ОХУ-тай гэрээ хийж, 830 ам.доллараар үнийг тогтворжуулсан. Тухайн үед ам.долларын ханш 2840 төгрөг байв. Өмнө нь 2200 төгрөгт хүрэхэд 700 ам.долларын хэлцэл байгуулсан удаатай.

Энэ оны нэгдүгээр сараас эхлэн импортлогч ААН-үүд үнээ өсгөх саналаа байнга илэрхийлсээр ирсэн. Үнийн зөвлөл хуралдаж, хамтарсан зөвлөмж гаргасан юм.

Энэ сард багтан Үнийн зөвлөл дахин хуралдахаар харилцан тохиролцсон ч энэ сарын 23-нд бидэнд мэдэгдэлгүйгээр үнээ нэмжээ. Бид Монополын эсрэг газарт хандана гэв.