Монгол Улсын Хүүхэлдэйн театрын уран бүтээлчдийн туурвисан "Пөөдөө" уран сайхны киноны нээлт 2025 оны 4-р сарын 18-ний өдөр Улаанбаатар хот болон орон нутагт нэгэн зэрэг болно. 

Энэхүү кино нь хүүхэд багачуудад эх оронч сэтгэлгээг төлөвшүүлэх, урлаг гоо зүй ёс суртахууны зөв хүмүүжил төлөвшлийг олгох, мансууруулах бодисын хор уршиг, сөрөг үр дагваруудын талаарх мэдлэг боловсрол, ойлголтийг өгөх чухал ач холбогдолтой бүтээл юм.

Хар тамхи мансууруулах бодис, түүний сөрөг үр дагаврын талаар мэдлэггүйгээс гэмт хэрэгт холбогдох иргэдийн нас сүүлийн жилүүдэд залуужсаар байна. Иймд хүүхэд багачуудад хар тамхи мансууруулах, сэтгэцэд нөлөөлөх бодис, хорт зуршлуудын талаарх мэдлэг боловсролыг кино уран бүтээлээр дамжуулан олгох нь тэднийг ийм төрлийн гэмт хэрэгт холбогдох эрсдэлийг бууруулах ач холбогдолтой гэж үзэж энэхүү киног бүтээжээ.