Улс оронд болон дэлхий дахинд өрнөсөн үйл явдал, үндэсний портал GoGo.mn сайтын сэтгүүлчдийн бэлтгэсэн нийтлэл, сурвалжлагыг тоймлон хүргэж байна.

• GoGo мэдээний агентлаг өнгөрч буй 2015 онд болсон онцлох үйл явдлуудыг нэрлэж байна. Улс төрийн тоймыг ЭНД-ээс уншаарай. 
• Ерөнхийлөгч Улс төрийн намын тухай хуулийн асуудлаар Ардчилсан нам, МАХН, МҮАН, Эх орон, БНН, МНН, ИЗНН, Монголын либерал нам, Монголын Хөдөлмөрийн үндэсний нам, Консерватив нам, Хөдөлмөрийн нам, МСДН зэрэг намын төлөөлөл, эрдэмтэн судлаачидтай уулзаж ярилцлаа.

• Өвлийн хүйтэнд 18 хоног төв талбайд өглөөнөөс орой хүртэл чимээгүй суулт хийж буй Б.Бундхоролтой ярилцсныг ЭНД-ээс уншина уу.

• “Цаазлагдсан улс төрийн хэлмэгдэгчийн хүүхэд” төрийн бус байгууллагын гишүүдийг Хүний эрхийн Үндэсний Комиссын дарга Ж.Бямбадорж өчигдөр хүлээн авч уулзав.
• Хүний эрхийн үндэсний комиссын дарга Хил хамгаалах ерөнхий газар 2020 он хүртэл хамтран ажиллах санамж бичигт өнөөдөр гарын үсэг зуржээ.
• Ноцтой мэдээ сонины 2015 оны 34 дүгээр дугаарт гарсан мэдээлэлтэй холбоотой асуудлаар нийслэл хотын дарга Э.Бат-Үүлийн өмгөөлөгч нар хэвлэлийн бага хурал хийлээ. Сонины тус дугаарт С.Зориг агсны амийг хөнөөсөн хэрэгт Э.Бат-Үүл холбоотой гэж бичсэн учраас үнэн мөнийг тогтоохын тулд цагдаагийн байгууллагад хандсан аж. Дэлгэрэнгүйг ЭНД-ээс сонсоно уу.

• Гал түймрийн улмаас 2015 оны арванхоёрдугаар сар гарснаас хойш 6 хүүхэд гал түймэрт өртөж амиа алдсан харамсалтай хэрэг гарлаа.
• Найрсаг Улаанбаатар хөтөлбөрийн хүрээнд 2015 онд зохион байгуулсан 15 цогц үйл ажиллагаанд нийт 460 мянга гаруй иргэн, жуулчин, 500 гаруй тайз техникийн болон зохион байгуулалтын ажилтан, 1500 гаруй уран бүтээлч хамрагдсан бөгөөд үүний дотор өөрсдийн зардлаар 13 орны 190 гаруй уран бүтээлч хүрэлцэн ирж оролцсон юм.

• УИХ-ын чуулганы өчигдрийн нэгдсэн хуралдаанаар Нийгмийн даатгалын сангаас олгох тэтгэвэр тэтгэмжийн тухай хуульд нэмэлт өөрчлөлт оруулах тухай хуулийн төслийг өчигдөр эцэслэн баталсан. Тэгвэл энэ талаар УИХ-ын гишүүн Б.Батцогт мэдээлэл хийлээ.
• Аймаг, нийслэлийн Иргэдийн Төлөөлөгчдийн Хурлын дарга, Засаг дарга нарын семинар Төрийн ордонд хоёр өдөр үргэлжилж, өнөөдөр дууслаа. Семинарын хаалтад Ерөнхий сайд Ч.Сайханбилэг оролцож, үг хэллээ.
• Сонгуулийн хуулийг хэлэлцэхийг шаардаж Улс төрийн 21 намын дарга, гишүүд, дэмжигчид жагсаж байна.

• Улиран одож буй 2015 онд юу хийж бүтээснээ дүгнэн тайлагнаж, ирэх онд хэрэгжүүлэх зорилго зорилтоо тодорхойлдогтой  адил Юнивишнийн Холливуд бокс сангаас үзэгчдийн таашаалд хамгийн их нийцсэн, үзэлт өндөртэй шилдэг 15 киногоо нэрлэжээ. Та эдгээр 15 киноноос хэдийг нь үзэж амжсан бол.
• Өнөөдөр 12 цагт эхлэх болох байсан хэвлэлийн бага хурал болсонгүй. Учир нь, хэвлэлийн хуралд оролцохоор төлөвлөсөн Б.Мөнгөнтуяагийн бие гэнэт мууджээ. Тэрээр шүүхийн шийдвэрийг хүлээн зөвшөөрөхгүй гээд давж заалдахаа мэдэгдээд байсан юм.
• Уул уурхайн салбарын зогсонги байдлаас шалтгаалан “Энержи ресурс” компани 200-гаад ажилтнаа цомхотгожээ.

ДЭЛХИЙД:

• Их Британийн парламентын өчигдрийн /12.17/ хуралдаанаар тус улс Европын холбооноос гарах хуулийг эцэслэн баталсан байна.
• Кубын Гуантаномод байрладаг шоронд хоригдож буй 17 хоригдлыг өөр улс орнууд руу шилжүүлэхийг Пентагон зөвшөөрсөн байна.
• Ирэх 2016 онд болох АНУ-ын Ерөнхийлөгчийн сонгуульд Бүгд Найрамдах намаас нэр дэвшиж буй тэрбумтан Дональд Трамп өөрийнх нь талаар Путины хэлсэн үг нэр төрийн хэмээн хэллээ.

• Олон улсын валютын сангийн тэргүүн Кристин Лагард Францын шүүхэд дуудагдлаа хэмээн ВВС дамжууллаа.