Дорноговь аймгийн Засаг дарга О.Батжаргал захирамж гаргаж, хөл хориог гурав хоногоор сунгаж, энэ сарын 14-ний 06:00 цаг болгож хойшлуулжээ. Захирамжид "2020 оны арванхоёрдугаар сарын 10-ны өдрийн Өндөржүүлсэн бэлэн байдлын зэрэгт хэсэгчилсэн байдлаар шилжүүлсэн хугацааг сунгах тухай А/857 тоот захирамжаар Замын-Үүд сумын нутаг дэвсгэрт бүх төрлийн худалдаа, үйлчилгээний байгууллагуудын үйл ажиллагааг бүрэн зогсоосон горимыг 2020 оны арванхоёрдугаар сарын 14-ны өдрийн 06:00 цаг хүртэлх хугацаанд үргэлжлүүлэх буюу хатуу хөл хорионы дэглэмийг 3 хоногоор сунгалаа" гэсэн байна.

Мөн аймгийн хэмжээнд гэрэл зураг, авто угаалга, барьцаалан зээлдүүлэх үйлчилгээний газар, хэвлэл болон такси үйлчилгээг сэргээж, хүнс болон бүх төрлийн бараа худалдаалах ААН-ийн ажиллах цагийн хуваарийг 08:30-11:30, 13:30-20:00 цаг болгон өөрчилжээ.

Б.Од