Улсын онцгой комиссоос цаг үеийн асуудлаар мэдээлэл хийж байна. 

Иргэд, ААН байгууллага коронавирусийн халдвараас сэргийлэх зөвлөгөө өгөх, тандалт хийх цахим платформыг бий болгосон. И-баримт аппликэйшнийг 1,7 сая хүн бүртгэлтэй байдаг ба үүнийг ашиглан коронавирусийн халдварын тандалтын мэдээллийг хүргэнэ гэлээ. ААН байгууллагууд үүдэндээ QR код байршуулах ба нэвтрэх хүмүүс и-баримт аппликэйшнээр уншуулах юм. 

Мөн qr.119.mn сайтаар дамжуулан бүртгүүлэх боломжтой ба хэрэглэгчийн мэдээллийн нууцыг чандлан хадгална хэмээн Харилцаа холбоо, мэдээллийн технологийн газрын дарга Б.Болор-Эрдэнэ мэдээллээ. Мөн тэрээр  "Гуравдугаар сараас эхлэн www.119.mn хөгжүүлэлт хийсэн. 12-р сарын 1-нд арга хэмжээ авах хүсэлтийн дагуу ачааллыг сайжруулах, багтаамжийг нэмэгдүүлэн ажиллаж байна. 12-р сарын 1-нд 15226 иргэнд, 2-нд 18817 иргэнд, өнөөдөр буюу 3-нд 1816 иргэнд шинжилгээний хариуг утасны дугаараар илгээгээд байна. Сайтын үйл ажиллагаанд саатал гарсныг хүлээн зөвшөөрнө, одоогоор техникийн сайжруулалт хийж байна. Харин  qr.119.mn ​сайтыг нээхэд нэг ч төсөв гараагүй" гэлээ. 

2019 оны судалгаагаар манай улсын хүн амын 85 орчим хүн ухаалаг утастай гэсэн судалгаа бий. Мөн ухаалаг утасгүй бол иргэний үнэмлэхний qr кодоо цагдаагийн албан хаагчийн төхөөрөмжид уншуулах боломжтой юм байна. 

И-баримтад өдөрт 500 гаруй мянган хүн хандаж, мэдээлэл авч байна. Энэхүү аппликэйшний дээд буланд байх Ковид-19 гэсэн цэсээс мэдэгдэл, мэдээлэл авах боломжтой. Хэрэв цэс харагдахгүй байгаа бол appstore, playstore руу хандар шинэчлэлт хийхийг зөвлөлөө. 

Япон, БНСУ, Тайвань гэх мэт улсууд үүнтэй ижил цахим платформыг ашиглаж байна. Хэрэв тухайн байршил дээр халдвар илэрвэл тандалт явуулахад цаг хэмнэнэ хэмээн Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг мэдээллээ.