Удирдлагын академийн ректор, доктор профессор С.Зүльфикар "Засаглалын хэлбэр, тэдгээрийн онцлог" сэдвээр лекц уншив.

Тэрээр Туркэд төгсөгчдийн хамтын ажиллагааны нийгэмлэгийн хүсэлтээр тус нийгэмлэгийн гишүүдэд лекц уншсан юм.

Доктор профессор С.Зүльфикар Ерөнхийлөгчийн, парламентын болон эдгээрийн аль алиных нь шинжийг агуулсан холимог засаглалын хэлбэрүүд, тэдгээрийн онцлог, давуу болон сул талуудыг улс орнуудын жишээн дээр тайлбарлав.

Дэд профессор С.Зульфикар БНТУ-ын Мимар Синаны их сургууль, Удирдлагын академийг тус тус дүүргэсэн. 2002, 2005, 2009 онд Кембрижийн их сургуульд зочин судлаач, 2003, 2007 онд Төв Европын Их Сургууль (Унгар), 2012 онд Флоридагийн их сургуульд мэргэжил дээшлүүлсэн, 2008 онд төрийн захиргааны доктор (PhD)-ын зэрэг хамгаалжээ.

“Гадаад орнуудын төрийн байгуулалт”, “Британийн төрийн тогтолцоо”, “Францын төрийн тогтолцоо”, “Бүгд Найрамдах Казакстан Улсын төрийн тогтолцоо” зэрэг эрдэм шинжилгээний өгүүлэл туурвиж, нийтийн хүртээл болгосон юм.