“Улаанбаатар марафон-2026” олон улсын гүйлтийн бүртгэл хаахад гурав хоног үлджээ.

Марафонд гүйх оролцогчдыг тавдугаар сарын 1-ний 17:00 цаг хүртэл бүртгэнэ. Оролцогчид Hipay аппликейшн болон ulaanbaatar.marathon.mn цахим хуудсаар дамжуулан бүртгүүлэх боломжтой. Өдгөө 11 дэх удаа зохион байгуулах гэж буй “Улаанбаатар марафон-2026” олон улсын гүйлтэд оролцохоор өнөөдрийн байдлаар 18 мянга гаруй хүн бүртгүүлжээ.

Бүтэн марафоноос эхлээд гэр бүлийн болон тусгай ангиллын зай хүртэл долоон төрлийн сонголттой бөгөөд 5-90 төгрөгийн бүртгэлийн хураамжтай байна. Тодруулбал: 

• 42 километрийн марафоны бүртгэлийн хураамж ₮90,000. Энэ зайд 18-аас дээш насны иргэд гүйнэ.
• 21 километрийн буюу хагас марафоны бүртгэлийн хураамж ₮70,000. Энэ зайд 18-34, 55-аас дээш насныхан гүйнэ.
• 10 километр буюу спорт гүйлтийн бүртгэлийн хураамж ₮50,000. Энэ зайд 18-аас дээш насны бүх иргэд гүйнэ.
• 5 километр буюу эрүүл мэндийн гүйлтийн бүртгэлийн хураамж  ₮10,000
• 800, 1500 метр буюу гэр бүлийн гүйлтийн бүртгэлийн хураамж ₮5,000 төгрөг байна. 

Иймд оролцогчид өөрийн насны ангилал, бэлтгэлийн түвшинд тохирсон зайгаа сонгон, тавдугаар сарын 1-ний 17:00 цагаас өмнө бүртгэлээ баталгаажуулаарай.