-Асуувал, Хариулъя-

-Зуны улиралд хүн бүр аялал зугаалгаар явж, агаар, салхинд амрахыг хүсдэг. Гэвч нарны харшилтай хүмүүсийн хувьд энэ нь үргэлж ямар нэгэн асуудал үүсгэж байдаг. Тийм болохоор нарны харшил юунаас болж гардаг, харшилтай хүн ямар эмчилгээ хийлгэх талаар тухай зөвлөгөө өгөөч?

Чингэлтэй дүүргийн иргэн Ч.Одончимэг

-Арьсаар гарч байгаа тууралт бүхэн харшил биш. Учир нь харшил үүсгэгч шалтгаан олон янз байдаг. Арьсаар ямар нэг тууралт гарахад эмчид заавал үзүүлэх ёстой. Энэ нь мэдрэлийн,дотрын, дотоод шүүрлийн булчирхайны үйл ажиллагаанаас үүссэн байж. болно. Дотоод шалтгаанд дотор эрхтэний үйл ажиллагааны хямрал, гадаад шалтгаанд хүрээлэн буй орчин, физик, химийн хүчин зүйл орно. Ер нь нарны харшилгэдэг данөвчин байдаггүй, энэньихховор.

Ихэвчлэн тоос, тоосонцор, химийн бодис, элэг, бөөр зэрэг хавсармал хэлбэрээр тохиолддог. Энэ үед хүний биед ямар шинж тэмдэг илрэх вэ гэхээр гадаа нар, салхинд явах үед нүүр болон хөл, гарны ил газар загатнах, улайх, хавдах, тууралт гарах зэрэг шинж тэмдэгилэрдэг. Гэхдээ өорөвчин хавсарсан, давхар эм ууж байгаа тохиолдолд бусад газар гарахыг үгүйсгэхгүй.

Хэрэв хүн өөрийгөө харшилтай гэдгээ мэддэг бол урьдчилан сэргийлэх арга хэмжээ авах нь зүйтэй. Тухайлбал, юунаас болж нарны харшил гарч байгааг тодруулан суурь өвчнөө эмчлэх шаардлагатай. Мөн гос ихтэй хоол аль болох бага хэрэглэх. Гадагш гарахдаа хөвөн даавуу, биед наалддаггүй материалаар хийсэн битүү хувцас, малгай өмсөж нарнаас хамгаалах тос хэрэглэх хэрэгтэй.

“Амай” эмнэлгийн захирал, АУ-ны магистр Б.Хандармаа