Этилтэй, этилгүй бензин

Дэлхийн хөгжилтэй орнуудад этилтэй бензинийг өөрийн нутаг дэвсгэр дээрээ зарахыг аль эрт хориглосон. Бензиний актаны тоог дээшлүүлэхийн тулд дөрвөн этилт хар тугалгыг бензинд нэмдэг. Үүнийг этилтэй бензин гэнэ. Этилтэй бензинд агуулагдах хар тугалга нь хүний бие организм болон байгаль орчинд маш хортой нөлөө үзүүлдэг.

Түүнчлэн актаны тоо нэмэгдүүлэгчийг худалдан авахдаа хар тугалга агуулсан эсэхийг нь лавлаарай. Хэрэв таны автомашин утаа саармагжуулах төхөөрөмжтэй бол этилгүй бензин хэрэглэх ёстой. Ийм автомашины түлшний саванд шатахуун хийх хоолой цорготой байдаг. Түүнээс гадна этилтэй бензин нь сүүлийн үед хэрэглэгдэж буй автомашины тэжээлийн системд таагүй нөлөө үзүүлэх босон гэдгийг санаарай.

Дизелийн түлштэй холбоотой асуудал

Дизелийн түлшний гол асуудал нь цаг агаар хүйтрэх болон түлшинд ус орох үед үүсдэг. Дизель
хөдөлгүүрийн өвлийн түлш зуныхаасаа ялгаатай. Хүйтний улиралд дизелийн түлш царцаж, улмаар хөлдөх аюултай. Өвлийн түлшинд нэмэлт хольц хийснээр түүний царцалтыг сааруулдаг.

Мөн ихэнх дизель хөдөлгүүр нь түлшээ бүлээсгэх системтэй байдаг. Хэрэв түлш царцсан бол хөдөлгүүрээ халаах арга хэмжээ ав. Хөдөлгүүрийн доороос ил гал түлж халаахыг цээрлээрэй. Харин автомашинаа дулаан граашт тавих юм уу, эсвэл цахилгаан халаагуур ашиглах нь илүү үр дүнтэй.

Түлшинд ус орох
Ямар ч дизель хөдөлгүүрийн түлшний шүүрэнд ус тунгаагуур байдаг. Таны үүрэг бол тунасан усыг байнга чөлөөлж байх явдал юм. Хэрэв тунасан ус их дүүрч шүүрээр цааш дамжвал түлш өгөлтийн системийн эд ангиудыг зэврүүлж эвдрэл үүсдэг. Ус нь дизель хөдөлгүүрийн онцгой дайсан гэдгийг санаж яваарай.

Юуг хэзээ шалгах вэ?

Автомашинд хэрэглэгддэг шингэнүүдийг шалгах болон солих хугацааны талаар өгч байгаа энэхүү зөвлөгөө нь ерөнхий зөвлөмж гэдгийг та санаарай. Шингэний шинж чанар цаг хугацаа өнгөрөх бүр улам мууддаг тул түүнийг шалгах, солихдоо тогтсон хугацааг хатуу баримтлах хэрэгтэй.

Тоормосны шингэний төвшин багассан тохиолдолд тоормосны ажиллагаа муудах, эсвэл ажиллахгүй болно. Иймд тоормосны шингэний төвшинг байнга шалгаарай. Гэхдээ тоормосны накладка элэгдэхийн
хирээр тоормосны шингэний төвшин буурдаг нь хэвийн үзэгдэл гэдгийг санаарай.

Мөн тоормосны шингэн хэт их дундарсан үед накладканы элэгдлийг шалгаарай. Харин тоормосны шингэн байнга нэмүүлж байвал шингэн хаа нэгтэйгүүр алдаж байна гэсэн үг юм.

Тоормосны шингэний төвшинг долоо хоногт нэг удаа, эсвэл хол замд гарахын өмнө шалгаж байгаарай. Тоормосны шингэнийг автомашины гүйлтээс хамааралгүйгээр хоёр жилд нэг удаа сольж байх нь зүйтэй.

Тоормосны шингэний төвшинг шалгаж, нэмэх

-Автомашиныг тэгш гадаргуу дээр зогсоож, тоормосны шингэний савны гадна талыг цэвэр болтол нь арчина. Шингэний төвшин "max" болон "min" тэмдэглэгээний хооронд байх ёстой.
-Шингэн нэмэх шаардлагатай бол шингэний савны тагийг эрэгдэж авна.
-Шингэнийг "max" тэмдэглэгээ хүртэл нэмнэ. Гэхдээ зөвхөн өмнө нь байсан шингэнтэй адил маркийн шингэнийг нэмэх ёстой гэдгийг санаарай.

Бензин

Бензин бохирдсоны улмаас хөдөлгүүрийн хэвийн ажиллагаа доголддог. Бохирдсон бензин нь бензиний шүүр, инжектор болон тэжээлийн системийн бусад хэрэгслүүдэд гэмтэл учруулдаг. Түүнчлэн бензинд ус орсон үед түлш дамжуулах систем зэврэх аюултай. Бензин хөдөлгүүртэй ихэнх автомашины түлшний савны юүлэх хоолой нь нарийхан байдаг тул дизель түлшний цэнэглэх хоолой таардаггүй.

Санамсаргүй тохиолдолд өөр шатахуунаар цэнэглэсэн тохиолдолд...

Дизель түлшний оронд бензин хийсэн тохиолдолд яах вэ?
Хэрэв бага хэмжээний бензин хийсэн бол дээрээс нь дизель түлшээр дүүргээд ажиллуулж болно. Хэрэв дизелийн түлш хэт хоосорсон үед бензин хийсэн бол түлшний савны дотор тогтсон давирхайлаг зүйл угаагдан түлш өгөлтийн системийг бохирдуулах тул болгоомжил. Хэрэв түлшний саваа бензинээр дүүртэл нь цэнэглэсэн бол хөдөлгүүр удаан ажиллахгүй бөгөөд та түлшний системийг бүгдийг нь цэвэрлэхэд хүрнэ. Иймд мэдсэн даруйдаа бүх бензинийг юүлж аваад дизелийн түлшээр дүүргээрэй.

Бензиний оронд дизелийн түлш хийсэн бол ?
Энэ тохиолдолд хөдөлгүүрийг асааж болохгүй. Асаалаа ч удаан ажиллахгүй унтрах ба ингэснээр тэжээлийн системийг бүхэлд нь цэвэрлэхэд хүрнэ. Үүнийг мэдсэн даруйдаа бүх дизелийн түлшийг юүлж аваад, түлшний саваа авч угаагаад, бензинээр дүүргээрэй.