Нийслэлийн Хан-Уул дүүрэгт байрлах Маршал таун хотхон, Кинг таур апартментын 2000 гаруй оршин суугчид хотхоныхоо чанх хойшоо гарах орц гарцыг өөрсдийн зардлаар шинээр гаргахаар төлөвлөж, холбогдох газруудад хандан Улаанбаатар хотын Ерөнхий архитектороор зураг төсвийг нь батлуулж, зохих байгууллагуудаас хууль ёсны дагуу зөвшөөрлийг нь авчээ.

Хотоос олгосон зөвшөөрлийн дагуу орц гарцыг хийх гэсэн боловч Хурд группын зүгээс Кинг тауэр хотхоны оршин суугчдын саналыг хүлээн аваагүй төдийгүй дээрх зам тавихад гарсан зардлын талаас илүү хувийг нь төлөх хатуу болзолыг тулгасан байна.

Хотхоны оршин суугчид “Хурд группын зүгээс өөрсдийн ашгийн төлөө нийтийн эрх ашгийг орхигдуулан, хөрш зэргэлдээх оршин суугчдын хүсэлтийг үл хэрэгсэн, эрхийг нь зөрчиж байна” гэж үзээд Хурд группын захирал Энхгэрэлтэй уулзаж албан хүсэлтийнхээ хариуг авахаар удаа дараа очсон боловч уулзаж чадаагүйгээр барахгүй менежерүүд нь “Эдгээр хүмүүсийг дахиж битгий оруул” хэмээн хамгаалалтын албандаа үүрэгдэн, хөөж гаргажээ.

2000 гаруй оршин суугчдын төлөөлөл “Маршал” СӨХ,
“Маршал - Кинг” СӨХ