Хип хоп ертөнцөд өөрсдийн өнгө төрх, дуу хоолойгоороо өвөрмөц гэгддэг "Ice Top" хамтлаг эргэн иржээ. Тэдний орон зай үгүйлэгдэж байсан нь уржигдар болсон "Доргио" шоун дээр харагдсан. Тоглолтод хүрэлцэн ирсэн үзэгчид нэгэн дуугаар "Ice Top…" хэмээн хашгирч байсан бөгөөд тэд ч үзэгчдийг гомдоосонгүй. Хоёр ч шинэ дуугаа сонирхуулж, "Удахгүй бидний тоглолт дээр уулзъя" гэсэн сайхан мэдээг дуулгасан юм. Тэдний шинэ цомог, тоглолтын талаарх тодорхой мэдээллийг хамтлагийн гишүүдээс авах гэсэн боловч ямар нэгэн хариу хэлэлгүй утсаа таслан "бултлаа". Элдэв хэл ам, хэрүүл шуугианы эзэд болсноос хойш уран бүтээл хийгээгүй байсан тус хамтлагийн гишүүд шинэ тоглолтынхоо сюрпризийг задлахыг хүссэнгүй юу, эсвэл...

Б.Сайхан